33歲高級經理苦呻月入8萬已到事業頂峰 嘆人生無目標感惆悵：未退得休點算
廣告
香港人出名勤力、工時長，作為打工仔每日辛勞工作，過著「社畜」的生活，為的都是加人工、得到晉升機會，為退休未雨綢繆，希望趁年輕拼搏，安享晚年。但世事又豈能盡如人意？高級職位僧多粥少，而且競爭大，職責亦重，而且少不免與同儕有所磨擦。最近有網民在討論區發文，指自己30多歲、月入8萬多，而且在大公司已位居高級經理（Senior Manager）職級，覺得自己已處於事業頂峰，無可再上，對於未來10多年的職場生涯感到惆悵。
33歲高級經理月入8萬稱已到頂峰：「我唔知可以做啲咩」
事主自稱33歲，在大公司位居高級經理（Senior Manager）職級，月入8萬多元，往上看的職級已是總監（Director）、部門主管（Department Head）、公司高級管理人員（C-Suite Executive），深知自己無心、無料也無力繼續搏上位，故此認定自己的事業已到達頂峰，薪金和職位都無可再進。
距離退休年齡非常遙遠：我比上不足，比下有餘
然而，事主現時才33歲，與適合退休的年齡仍有一段差距，對於自己未來10多年在行業的競爭力及生存空間存疑，樂觀的可謂「比上不足，比下有餘」，但也看成為「高不成、低不就」的情況。事主直言雖然欠家底，但已結婚和置業供樓，每月收入與開支尚算鬆動，卻又未足夠退休；想到此處，頓時對於未來10多年枯燥的職人生活感到茫然。
網民認為事主無病呻吟：係咪喺度炫耀？
帖文引來不少網民熱議，當中有不少是語帶嘲諷，「簡直講緊風涼話，咁巴閉提早退休囉就唔洗咁苦惱啦！」、「咁嘅心態，萬一俾人炒，有排揾唔到工」、「好明顯是無病呻吟，只是在炫耀，呢種人好快會打回原形，一無所有！」、「冇左份工佢就會知道自己追求d乜」。
網民：辭工由基層做起，體驗人生啦
另有網民「苦口婆心」地勸勉事主，「人生價值只得返工搵錢嗎？例如追求健康，改善自己不同方面都可以的，33歲了但人生只剩下返工⋯⋯」、「換工種由基層做起，咁咪好有挑戰又好有壓力囉」、「放心啦，到你40幾歲公司自然會裁咗你，到時你又可以重新拼搏，由低做起！」
圖片來源：ViuTV《大叔的愛》截圖、ViuTV《IT狗》截圖、tvN《Start-up》截圖、ViuTV《IT狗》劇照
