193新歌《再次Puppy Love》疑似抄襲！旋律同中國獨立樂隊超相似 網民：今次真係XX出事｜網絡熱話

ERROR成員193新歌《再次Puppy Love》疑似抄襲 網民：「成個Viu啲嘢都左抄右抄當創作㗎啦」

193近日推出新歌《再次Puppy Love》以復古氣勢登場，歌曲講述一段學生時期純情的「Puppy Love」，無論是MV或是曲風Synth Pop都充滿懷舊的味道。而且女神林明禎擔正MV女主角，3妹以及《造星4》Candy和Yoyo都有份客串，都幾重Cast！

旋律與中國獨立樂隊十分相似

不過就有眼利網民發現，其歌曲的旋律與中國獨立樂隊「新褲子」的一首《你都忘了你有多美》十分相似。乍聽之下，的確在旋律方面十分相似。這一首《你都忘了你有多美》早於2019年就發行，所以引來網民熱議。

網民：關作曲人事喎今次

都有明眼網民見到，是次事件其實並不關193事，要怪就怪其作曲人Delta.T 蛋撻頭。不過都有網民直言：「作曲嘅抄人，唱歌嘅支持抄襲。」，直指兩人是「同流合污」。不過都大部分網民認為193今次冇錯。

其後都有網民翻查出Delta.T 蛋撻頭以往做過的作品，發現有部分旋律其實同今次193歌曲《再次Puppy Love》也差不多。不過都有網民指冇乜所謂，直言：「成個Viu啲嘢都左抄右抄當創作㗎啦」，直指已經見慣。