港男沙灘執到「巨大石頭」懷疑係龍涎香 估值身價390萬

港男沙灘執到「巨大石頭」懷疑係龍涎香！

日前有港男以「(多圖) 係沙灘執到呢舊嘢，今次我係咪要發達啦？」為題發文，表示自己有天去沙灘清理垃圾，期間發現一個奇怪的巨型石頭，其外貌相當巨大但拿上手卻極輕，事主初時無為意，後來醒起曾有人意外執到鯨魚「黃金糞便」龍涎香的新聞，因此決定將它帶回家。

事主回家後多次上網搜集資料，再次認為是龍涎香可能性很大，於是決定聯絡大學的相關研究部門，3個月後與研究人員相約見面，初步結論如下：「該物體不是石頭」。但該研究人員表示需要再用儀器作檢測才能獲得最終結論。事主隨即電郵各大大學，可惜未得到任何回覆，因此決定post上網向各位網民求救，「有冇巴絲識得咩付費嘅lab， 可以比我test呢嚿unknown sample?」

事主表示即使最後希望落空，至少「叫發咗場開心嘅夢」， 但如果之後驗證真的是龍涎香而又能成功出售，事主承諾會報答返一眾網民，同時將部分錢捐給救流浪貓狗機構，以及佛教、道教等慈善團體。

龍涎香從抹香鯨消化系統所產生，非常珍貴，價值天價。去年9月泰國有名男子意外執到重22磅龍涎香，估值30萬美金（約390萬港元）。

網民競估真身！

此帖引來眾多網民熱議，大家都好好奇該石頭的真身，有人估是受海水沖上岸的發泡膠、有人則認為純粹是海洋垃圾。大量網民留名等睇結果，網民們都大讚事主善心又有求真精神，值得尊重，「本身目的係去清理海岸，如果因為咁執到價值連城嘅龍涎香，咁樓主真係好人有好報」、「樓主有搵大學仲查埋paper，行動力強，都唔知啲人笑乜」、「留名睇結果，最終結果好定壞都好，希望樓主會交待返」、「支持樓主去驗 留名睇結果」。