麥當勞一日限定$18珍寶薯條、$10蛋糕麥旋風！理想VS現實 記者實測伏唔伏！｜網絡熱話
撰文：新假期編輯部｜圖片：新假期編輯部、Facebook@McDonald’s截圖
麥當勞一日限定 教主優惠 蛋糕麥旋風＋珍寶薯條！
麥當勞由8月30日至9月3日一連五日，推出Anson Lo教主周精選優惠，9月3日推出的$10蛋糕麥旋風，又是一日限定款式，睇圖片是有迷你蛋糕粒滿佈蛋糕，充滿日式甜點的感覺！記者今日即去麥當勞一試，雪糕口味可揀朱古力或士多啤梨味，但店員送到我手的一刻，記者當場呆了！
理想和現實真是有一段距離！麥旋風內竟有放了兩大件海綿蛋糕，同張相唔同嘅喂？不過食落味道都叫綿密鬆軟，雪糕內更有曲奇粒和焦糖醬，好有層次感，食到底都有曲奇碎，滿足！不過蛋糕真的太大了，賣相十分粗獷，難忘！
$18歎珍寶分享薯條
另一樣最吸睛必數星期三（2/9）「$18歎珍寶分享薯條」優惠，是麥當勞首次推出，從照片來看非常澎湃，成座「薯條山」般，超吸引。
網民熱議：得個盒大有咩用！
從來圖片只供參考，永遠同現實有出入！很多網民都坦言麥當勞平日的薯條份量不足，亦不會裝滿薯條，就算買加大size都只是中size的份量，名不符實。而且大多不是新鮮熱辣出爐，送到客人手上更是腍晒。今次的珍寶薯條更被網民狠批「得個盒大」、「珍寶只係個盒珍寶」，同時更斷定「到時肯定幅圖一半都冇」，有人更指買定兩包細薯條填肚好過！可見一眾網民對完全不期待新出的珍寶薯條！
記者實測！
記者一於去麥當勞買來實測！收到珍寶薯條，記者有點失望，實物好明顯比起照片細得多，而且份量不足，沒有像照片般是佈滿整個盒，大概只有3分之2滿。包裝方面，是平常的中size再加闊版，內裡中間有隔格。
記者分別買來中size及細size薯條來比拼，從包裝來說，的確大過中及細薯條，但以份量來說，可看到中及細薯條較滿，份量相對較足。以抵食程度來說，記者不推介買珍寶薯條，反而建議大家可買兩個中或細薯條，份量其實差不多，而且細薯條$7/個，兩個都只是$14，抵食過$18的珍寶薯條。
同場加映：
由於粉絲實在套熱烈，麥當勞亦於官方Facebook宜布「籃神卡」經已火速換晒！粉絲們都紛紛留言表示未儲齊一套，強烈要求麥當勞加推！
撰文：新假期編輯部｜圖片：新假期編輯部、Facebook@McDonald’s
