鯉魚門海旁驚現「獨特」觀景台 居民插爆好肉酸！網民：攞嚟曬衫用㗎？
廣告
近日有鯉魚門居民發現石灘海旁驚現一個造形獨特的觀景台，不過一眾網民見到就狂踩肉酸又冇做，更指影響市民觀賞景色，整件事得不償失！
鯉魚門海旁驚現「獨特」觀景台
政府於2020年啟動「鯉魚門海旁改善計劃」，當中包括於興建公眾登岸設施、興建海堤，以及改善現有觀景點及觀景台以增強其結構承載力，工程費用為2億6千多萬。近日有眼利的居民就發現鯉魚門觀景台已經興建完成，但該觀景台設計相當獨特，從圖可見觀景台圍欄上有多個高低不一的木板及木條，不過因此令到市民視線受阻，不能直接將海景一望無遺收在眼內。
網民狂踩好肉酸！
不過一眾網民就唔太欣賞觀景台的設計，紛紛大踩觀景台肉酸又多餘，「阻住人影相，佢不如成個地台整高啲好過」、「好核突，整埋啲乜L…」、「觀景台？！ 圍到咁，點觀景？！」、「真係多舊魚，一個自然環境影相睇海景石灘，你擺舊石屎加似爛木屋係度，觀乜春景台，仲衰過起個垃圾站」。有網民更恥笑指「似用爛木板搭嘅僭建木屋」、「 好肉酸，方便D人曬咸魚臘肉？」，網民更指觀景台完全阻擋本來可一覽無遺的海景，「明一望無際睇日落, 搞到好似坐監咁，搞啲名堂嚟呃錢」，狂彈此舉本末倒置，相當愚蠢。
圖片來源：Facebook群組@香港風景攝影會、土木工程拓展署
