網民指責《鬼滅之刃》「辱國」？ Netflix跪低修改！中、韓網民狂插原因竟然係…

撰文：馬高斯 ｜圖片來源： amazonaws.com、巴哈姆特動畫瘋、BiliBili、香港高登｜編輯：海月 、Bonita｜ 原文刊於：新Monday

話說近排《鬼滅之刃》終於喺韓國Netflix上架，有韓國網民發現炭治郎嘅耳飾圖案，像極了日本二戰時期嘅「旭日旗」，直指Netflix直接使用日版原片，並無加以修改，感到非常不滿，仲話要求Netflix要將日本類作品均列上「戰犯國」去稱呼。最後Netflix為咗平息事件，就修改咗炭治郎嘅耳飾，由類似「旭日旗」圖案變成四條橫線。

其實日本同韓國喺二戰歷史問題上一直有唔少爭論嘅問題，早喺《無限列車》上映果陣，片商已經特登修改咗耳飾圖案。不過今次Netflix無修改到，就慘被韓國網民圍插！

其實被網民圍插事件又點止呢單，喺幾個月前中國大陸亦發生咗辱華事件，被小粉紅追擊！辱華事件又係離唔開像極了「旭日旗」嘅耳飾，大陸網民認為似旭日旗，即係同大日本帝國主義有關，結果動畫版澄清完之後，到咗劇場版上映又再次炎上。為咗平息事件，《無限列車》嘅中國上映版本亦被「和諧」，版本同樣係四條橫線。