港男被同事串爆因一樣嘢做唔到高層！網民分析高層獨有技能｜網絡熱話
廣告
俗語有道「人靠衣裝，佛靠金裝」，在注重形象的商業社會或職場，在合適的場合穿著恰如其份的衣著絕對是最影響別人第一印象的關鍵，雖然近年在職場興起商務休閒服飾，但「西裝骨骨」仍是一般人對高層的固有印象，在炎炎夏日卻又帶來另一個違反生理需要的煩惱。日前，有一名男網民分享在公司被同事用一個原因串爆欠缺當高層的條件，惹來網民議論紛紛。
全套西裝是「高層的象徵」
事主表示，公司高層每日都穿上全套西裝上班，難以理解高層如何在熱力逼人的夏天時仍然自如地穿上全套西裝，「唔通做高層其中一個條件要包埋夏天著西裝唔會變水人？」事主自問背心打底加上一件恤衫在太陽高照的午膳時間步行一會經已爆汗，惹得同部門阿叔向事主說：「連著恤衫都流汗，你呢世都做唔到高層㗎喇！」事主不其然留意到阿叔也是汗流浹背，聯想這一番說話同時可能是阿叔的自白。
拆解高層不流汗的原因
對於事主的疑問，有網民同表好奇想知「點頂得咁熱」；不少網民不約而同地表示「啲高層成日涼冷氣，出入的士底自駕向公司報銷，梗係唔會流汗啦」」、「高層唔使做，坐喺度嘆冷氣」；
又有網民自稱高層表示「我係公司高層之一，日日西裝打領帶坐房，出入有司機接送，食飯落樓下餐廳都唔洗出大樓門口，從來都唔覺得熱，仲有啲凍喎」。
另類原因揶揄事主「呢世都做唔到高層」
有網民卻諷刺事主的疑問，「其實係照流汗，不過你呢啲2打6，係唔會同高層一齊行出街，所以你連睇佢哋流汗嘅資格都無」、「咁都信相信冇機上高層」、「熱天著西裝唔流汗可以做高層，如果著大褸就可以做亞洲第一，呢個道理你一定要知」、「阿叔講一句廢話就周圍問嘅，就呢世都做唔到高層」。
唯一實際建議：帶多套替換
有網民則聯想其他因工作所需穿上全套西裝的職業，又笑稱內置降溫法寶，「我見行街銷售員同AA都係西裝」、「明星咪一樣咁，可能在身體內置冷氣機」、「整個吸濕大笨象放入件衫」；另外有網民提議實際解決辦法「帶多件背心、恤衫返去換，或者擺多件喺公司」。
原文：
資料來源：香港討論區
港男為何突然被阿叔串爆不能做高層？
事主表示，公司高層每日都穿上全套西裝上班，難以理解高層如何…詳情請看
網民對於高層的獨有技能有甚麼看法？
有網民自稱高層表示「我係公司高層之一，日日西裝打領帶坐房，出入有司機接送…詳情請看
圖片來源：香港討論區、TBS《逃恥SP》劇照截圖、Netflix《社內相親》截圖、tvN《未生》截圖、tvN《金秘書為何那樣》截圖
