馬鞍山商場高達35.5°C！大埔友鬥慘：呢邊某商場廿年嚟都無冷氣｜玩樂熱話
廣告
連日來天氣酷熱，市區普遍氣溫超過35°C，新界北地區更高達38-39°C，成歷來最熱「大暑」，破晒香港紀錄！不少朋友們都會長開冷氣抵抗酷暑，也有朋友會到商場歎冷氣慳電費，但商場冷氣夠不夠涼快就不一定啦，據TVB《東張西望》報導，原來馬鞍山商場仲有機會熱過室外？
全港最熱商場？馬鞍山商場室溫35.5°C！
近日TVB《東張西望》報導，馬鞍山某商場壞冷氣，經主持用溫度計實測，場內室溫達到35.5°C，令商戶及附近居民汗流浹背，只能靠用風扇通風，商戶仲大呻高溫情況令商場人流量大跌8成，連生意都無辦法維持！
商戶及居民曾向管理處反映場內無冷氣的情況，及後管理處回覆正在更換新冷氣，惟問題在兩個月後仍未解決。有商戶更直指冷氣故障問題幾乎每年都出現，是次問題更牽連相連的街市攤檔，檔主表示熱到難以呼吸，擺賣的食物都熱到變壞。
大埔友鬥慘：呢邊某商場廿年嚟都無冷氣
除此之外，有大埔居民在Facebook群組「大埔人大埔谷」上分享，大埔翠屏花園商場的室溫經測量高達36.6°C，直指這商場才是真正「中暑好去處」，仲大插「管理無恥兼無道，真係人都癲熱到hihi咁」。
大埔友網民就笑言大埔翠屏花園商場「管理處係全香港數一數二差」、「管理處個個都係卸膊操高手」、「住咗30年，原來翠屏有冷氣？」、「呢個商場根本就係平行時空」，比起馬鞍山商場有過之而無不及！
原片連結：TVB《東張西望》
哪個商場出現炎熱的情況？
據TVB《東張西望》報導，馬鞍山一個商場出現35.5度高溫，管理處竟然回覆…詳情
大埔也有同樣情況？
大埔居民表示該區有一個商場20多年來都沒有冷氣，比起馬鞍山更有過之而無不及…詳情
圖片來源：Facebook群組「大埔人大埔谷」截圖、TVB《東張西望》截圖
