5大馬莎網民推介人氣單品！春夏必備穿搭 + 香薰

Mar 17 2025

最近大家都瘋狂掃馬莎（Marks & Spencer）嘅開心果朱古力，不過你知唔知，原來佢哋嘅衫同香水都好hit！今次同大家精選5款超人氣單品，款款實用、簡約時尚，難怪網民大讚CP值超高！而家馬莎會員買任何食物或飲品，就送85折優惠券，等你入手服飾同香水，即刻睇吓有咩值得買，趁優惠搶心頭好啦！

馬莎人氣單品推介｜1. Autograph T 恤

每日出門揀OOTD煩到爆？其實一件百搭又高質嘅 T 恤，就可以解決所有煩惱！馬莎旗下嘅 Autograph 品牌，以高質品質見稱，特別呢款Autograph男裝Supima® T恤，係Smart Casual風格嘅神器，隨手著出嚟就有型有款。

佢用咗100% Supima®皮馬棉，係超罕有嘅棉質，手感滑到不得了，比普通棉耐穿又唔易變形，質感Keep得好正。仲要輕、透氣、親膚，夏天著都唔焗，搭件西裝外套加九分褲即刻型仔上身；或者配牛仔褲同波鞋，Chill住出街都夠晒時尚。無論返工、聚會定放假，呢件T恤真係衣櫃必備，型格即刻升Level！

網民話：「質感真係正，洗咗幾多次都仲挺身，唔易垮！」

馬莎人氣單品推介｜2. Flexifit™ 無鋼圈胸圍

Sis們，講到內衣，你第一件係咪同媽咪去馬莎買？馬莎內衣真係好多女仔嘅「入門之選」。呢款Flexifit™ 無鋼圈胸圍用高彈物料，貼身又夠承托，日常郁動或返工戴都幾舒服，仲有多款設計，好似全罩杯、可拆肩帶、多穿法，點著都啱，成日輕鬆又自在。

Sis們話：「好軟好舒服，焗熱天著都唔怕焗住，透氣到暈！」

馬莎人氣單品推介｜3. Denim 型格牛仔褲

牛仔褲向來係衣櫃中唔可以缺少嘅百搭單品，但要揾到一條個CUT 啱同舒適並存嘅牛仔褲並唔容易。其實馬莎原來都有好多唔同剪裁嘅牛仔褲，就連近幾年大熱嘅款都有，同一個size都有分唔同長度，無論係咩身型, 都一定搵到啱你嘅！

喺濕熱嘅香港，布料過硬、唔透氣好容易成為皮膚敏感源頭。而馬莎嘅牛仔褲系列選用 Lyocell™ 環保纖維混紡，柔軟又有彈性，舒適度之餘，兼具環保意識。今季仲推出多款時尚剪裁，包括高腰喇叭褲、闊腳褲，同barrel leg，無論你偏好歐美復古風，或者係簡約俐落風，都可以揾到適合嘅款式，隨時穿出型格魅力！

(圖片來源：馬莎) 網民讚嘆：「剪裁超顯瘦，即刻視覺增高晒！」睇到相中長腿都想立即入手！

馬莎人氣單品推介｜4. Apothecary Warmth 香水

講到馬莎人氣單品，點少得呢款小紅書成日勁推嘅「大牌香水嘅平價替代」, 經常一上架就俾人掃哂— 馬莎Apothecary Warmth 香水，性價比極高，特別適合喜愛大地系香調嘅人。呢款香水主打木質調，營造出溫暖而富有層次感嘅氛圍。無論係日常自用定係作為禮物，都係體面又有品味嘅選擇！

(圖片來源：馬莎) Apothecary Warmth 香水味道柔和，唔會太過濃烈，適合日常使用。

馬莎人氣單品推介｜5. 春夏必備透氣亞麻長褲

炎熱天氣最需要一條透氣舒適又唔易皺嘅長褲！除咗牛仔褲，馬莎每年夏季都有好多亞麻單品。今季全新超寬腳亞麻長褲採用100%亞麻混紡，超強排汗特性，猶如「行走空調」，即使長時間穿著，亦能保持乾爽舒適。呢款寬鬆剪裁設計，增添流暢垂墜感，能夠修飾腿型、拉長比例，今季新出嘅全白色設計更加係百搭之選，無論搭配簡嘅 T 恤、襯衫定係小背心，都可以瞬間提升造型，打造優雅時尚感。