睇餐牌唔小心埋單貴成倍！畀$202食隻蝦？認住呢個日文字避免「中伏」｜網絡熱話
廣告
睇錯餐牌隨時畀多一倍錢食飯？有網民在facebook群組中投訴日本都有黑店，一隻車海老刺身竟然要200蚊！明明餐牌寫住1,300円（約HK$97），但找數要2,700円一隻。究竟間「黑店」在哪裡？遊客如何避免「中伏」？
睇餐牌無用？日本都有「海鮮價」？
話說當事人去了福岡一間日本料理店，點了兩隻蝦，餐牌上寫著「車海老 1,300円より」（約HK$97），但最後收了他每隻2,700円（連稅）（約HK$202），他覺得是黑店，於是post在FB群組提醒大家小心！
埋單貴一倍收價 全因餐牌上的一個字！
因為當事人post了餐牌的相，懂日文的成員一看就知「より」，其實是日文「起」的意思！「車海老 1,300円より」即是「車海老 1,300円起」！
認住呢個日文字！
其實，一般餐廳都會「明碼實價」，這個「起」字，只於出售活魚的餐廳比較常見。認住呢個字，就算之後開關去日本，都唔會俾人劏！
10個國家通關最新消息
另外，有時還會出現「時価」（即是「時價」），遊客不妨於點菜前問清楚當日價錢！
撰文：主場・日本圖片來源：FB@主場・日本、TVB《愛回家之開心速遞》截圖
