港女帶朋友與男友食飯 男方事後被批「唔識做」 網民：樓主女友最大問題！｜網絡熱話
撰文：新假期編輯部｜圖片：TVB《愛回家之開心速遞》劇照、香港討論區討論區截圖｜資料來源：香港討論區
港女帶朋友與男友食飯男方全晚做聽眾
話說樓主與女友拍拖一段時間，某天樓主女友有兩位朋友說想認識一下樓主，所以就安排了一場4人飯局，當晚樓主「招呼咗佢哋成晚，基本上得佢哋講，我負責和應下同埋聽佢哋呻」，雖然無聊但總算是相安無事。
埋單朋友主動還錢事後卻批男方「唔識做」
去到埋單時，樓主為表現風度，所以就主動付全數，然後女友朋友主動向樓主查詢晚餐價錢，更說會payme回樓主。樓主見對方自動自覺，於是就傳送了pay link給她們，她們也即使付錢給樓主。樓主原以為這場飯局算是滿意收場，誰不知當晚就收到女友訊息，指她的朋友「唔太滿意我，覺得我唔識做，冇請佢哋食飯，仲要收返錢」。
樓主不能理解直言「真係當我水魚咩」
樓主收到這個評價後表示不能理解，當晚4個人吃了將近2千元，樓主認為幫女友付是正常，但沒理由還要替女友的朋友付款，直言「真係當我水魚咩」。後來樓主又補充，表示餐廳是女友朋友挑選的，假如是樓主自己挑的，要他請大家也沒所謂，又指假如今天是見家長，樓主不介意埋單，但只是朋友又吃得那麼貴，就不太願意了。
網民直斥樓主小器留言指請客無所謂
網民在這件事上分了兩派，一派認為樓主為了區區2千元而上網意圖「公審港女」，非常小器，直言「係男人就應該請啦，二千蚊都斤斤計較？」、「你學乜人溝女呀？嗰2千零蚊都豪唔起，枉你收得落手，你條女冇哂飛屎啦，散得啦」。也有不少網民留言指自己遇上這種情況都一定會主動請客，「如果係我條女D朋友，我會請佢地，2仟蚊一次半次冇所謂啦」，免得讓大家都尷尬，又能讓女友有面子。
女友最大問題：港女配港女格朋友
但更多的網民都認為樓主女友及她的朋友都非常有問題，直斥「你條女同得呢啲港女做朋友，食完飯重要咁講野，即係你條女都係港女」！首先樓主女友的朋友「口是心非，呢頭話夾錢果頭話你做乜唔請，臭X表現」，態度非常有問題；隨後又指樓主女友「根本唔當你係男朋友，好明顯當你水魚」，指假如女友夠細心，就應該替男友省錢，直言「女朋友都唔幫男朋友慳錢，點一齊啊」，認為「應該佢俾晒，2個朋友同一個男友，當然女友請」。大家又覺得誰最有理？
撰文：新假期編輯部｜圖片：TVB《愛回家之開心速遞》劇照、香港討論區討論區截圖｜資料來源：香港討論區
