男友同青梅竹馬去泰國旅行一個月！港女唔開心：其實我都好想去｜網絡熱話

女友指男友都知我想去

女友表示，男友向她說在很久之前已經應承了他的青梅竹馬去泰國旅遊，現正值泰國開關，所以會趁機去遊泰一個月。

與此同時，男友去年亦向事主承諾，只要泰國開關就會同她遊泰，故男友對事主想去遊泰是知情的；但男友表示，由於他應承青梅竹馬在先，所以是今次會同青梅竹馬去。

女友無奈地表示，他倆當日經已出發，令事主啞口無言，亦分不清她的傷心是源於對他們可能出軌或是男友無遵守承諾。

網民意見一面倒：接受唔到

對於事主的經歷，網民意見一面倒著事主分手，有網民覺得3個人都有問題，「點會接受？呢件事上接受唔係大方，係笨；有女友仲同異性去一個月旅行，你男友都幾唔尊重你，佢青梅竹馬知你存在仲去成個月，冇都變有感情啦！你又太好人，如果係我，佢去前已經開佢波，一係唔去，一係分手，青梅竹馬唔係大晒，係有界線同要尊重另一半」；

有網民認為「出軌同唔守承諾，是但一瓣都死啦，而家仲要中晒兩瓣，點忍呀！」、「如果係我，真係直接分手，就算唔係想出軌都已經完全無尊重過我」。

愛你的他不會傷害你

有網民認為「3個一齊去最好」，以致有網民有深意地提出，「如果他是愛你的話，你提出其他方案解決問題，他會選一個不會傷害你的方案」，勸女友三思。亦有網民提出兩個情況，無論如何發展，都只會步向分手，「你而家唔分，佢哋相處一個月先發現最愛對方，回港先與你分手才一齊；又或事主嘈佢，男友傷心不獲信任，青梅竹馬有個月安慰佢，才發現對方好重要，無論如何，都係會分手」。

應承青梅竹馬在先 「3歲應承娶佢先咁點」

有網民反問「唔分留嚟做咩？第日你結婚佢話3歲就應承要娶佢咁你點？」獲另一網民認同，「男友完全唔識分輕重」；另有網民不禁驚嘆「1個月喎大佬」、「返嚟有綠帽做手信」、「完全唔理女友就飛咗，返嚟大家心入面都會有條刺啦」。

。

原文：

資料來源：Dcard