情侶露營極大反差：男友孭巨大背囊 女友兩手揈揈孭細袋！｜玩樂熱話

情侶露營男友孭巨大背囊 女友孭細袋成極大反差

露營比起行山需要帶備更多的物資，包括帳篷、睡袋、床墊、煮食爐、還有食物、飲用水、替換衣物等，還未算上其他所需的大小生活用品，帶齊所有物品後，背囊都真係會好重！

近日一名山友捕捉到一對疑似情侶正在前往露營，男士背囊高過半個人，而女士背囊細細個非常的骰。山友表示「話說尋日行山見到有位師兄出盡氣力地上斜，佢個袋好似係我嘅兩倍，前面嗰位應該係佢女朋友（沿途女友有等埋佢）」令他直言忍唔住「同師兄講咗兩句打氣說話」、「為咗女友可以兩手fing fing去露營可以去到幾盡」、「好想知佢個袋有幾重，目測個袋有70-80L」。

照片後來被連登網民轉貼，有網民直言「一個願打，一個願捱」、「有咩問題？成年男人正常都揹到呢個重量嘅」、「可能人哋唔夠camping袋用呢」；也有網民大讚師兄舉動明智，「個女嘅孭太重，到時嫌辛苦，到時個師兄咪仲慘」、「一陣條女攰，亂發脾氣仲煩。」

網民竟大讚：好女仔嚟！

另外也有心水清網民認為，「我覺得都係睇吓個女仔有冇老馮要個男仔咩啫。你唔俾個女仔有話想幫手嘅咩？個男仔錫女朋友姐，好男仔嚟」、「個女仔著住條短褲零行山裝束去行山，點睇都唔似有經驗」、「肯體驗對方嘅興趣直頭係好女仔」。