雲吞麵關注組熱議：撈麵點解貴過湯麵！「材料一樣 湯都係味精水 點解仲貴咗？」｜網絡熱話
廣告
雲吞麵向來都是港人最愛，不過最近FB「香港雲吞麵檔關注組」群組，就有網民指不解為何撈麵會比湯麵更貴，直指明明材料一樣，湯底更是味精水，但價錢卻偏偏貴過撈麵。此帖引來眾人熱烈回應，反而大鬧事主唔識嘢？！
撰文：新假期編輯部｜圖片：劇照、新傳媒資料室｜資料：FB「香港雲吞麵檔關注組」群組
雲吞麵關注組熱議：撈麵點解貴過湯麵！
食客不解：因為要洗多隻碗？
雲吞麵食法多，有撈麵，有湯麵，各有特色，同樣都受歡迎。最近有網民不解為何兩者價錢不同，並於FB群組發問求助！
唔明點解撈麵貴過湯麵？材料又一樣，雲吞一樣咁多粒。而分開咗上嗰碗湯，好多舖都不過係味精水。用嚟托住個麵都仲得，分開上就明顯難飲，返而唔會掂。係咪因為要洗多隻碗？
兩者材料一樣，主要分別在於湯底。而正正是這樣，網民更覺得不值這個價錢，直指湯水都只是味精水，而且分開上湯，味道亦更差。更指除了要洗多隻碗，想不到還有甚麼不同。網民決定上網求尋大家的意見，一心一意想查出謎底！
3大原因撈麵較貴！
經過廣大網民整合下，得出3大原因！
1.撈麵有「加底」
有人就指出兩者份量不一，一般湯麵是一個麵餅，而撈麵則會落一個半麵餅，雲吞都會多一隻，較為足料，並不是事主說的材料一樣。
2. 用多隻碗
而且比起湯麵，用了2隻碗碟。計埋清潔、人手等成本，也很合理。
3. 人手、成本費
再者，撈麵一般都會加條菜心、蠔油、餸汁等配料，這些全是成本。
撰文：新假期編輯部｜圖片：劇照、新傳媒資料室｜資料：FB「香港雲吞麵檔關注組」群組
關鍵詞
網絡熱話
