港人集運自取點貨物離奇被「搶走」？店員疑串謀偷取客人包裹！｜玩樂熱話
廣告
網購已經成為新常態，除了淘寶，有不少港人喜歡到外國網購物，但由於海外運費貴，大部份人都會幫襯集運公司，不過日前有網民分享，指在元朗某間集運自取點拎貨時，被店員告知貨物被人「搶走」，事主打算報警之際，店員卻突然打電話，叫對方「好攞返啲嘢返黎啦」，事主稱事件太多破綻，疑似是店員串謀偷取客人包裹！
港人集運自取點貨物離奇被「搶走」？店員疑串謀偷取客人包裹！
有網民於Facebook群組「淘寶開心share」分享，表示11月4日叫朋友幫手於元朗大馬路某間自提點取貨，首先店員指密碼錯誤，表示貨物已被提取，該朋友稱「如果是其他人攞錯了貨件，麻煩通知提錯貨件的客人」，但店員卻回覆貨件「被人搶走咗」，該朋友見狀便稱「如果提錯貨的人不將貨件退回，便報警處理」。而店員聽到後立即打電話，向電話裡頭說「喂！好攞返啲嘢返嚟啦，報警啦」，由於店員在通話期間沒有表明身份，故事主朋友斷定二人是認識。
由於貨物被告知遭「搶走」，加上事件太多破綻，該友人選擇報警，而警員到場後，有人現身將貨件帶回店舖，表示「攞錯咗貨」，然而貨物已被拆開，加上沒有用紙箱包裝，而店員則從店裡「隨手拿起2袋東西跟該人交換貨件」，並取出一個印有事主收貨資料的紙箱，連同原來的貨物交還事主的朋友。
事主希望籍是次貨件差點被盜的經歴提醒大家幫襯集運時要小心，表示「我嗰箱係由韓國訂既洗頭水、護髮素、Lotion（潤膚露）、BB Cream（BB霜），香港未有得買，成箱嘢未計運費都過千，正（淨）係運費都$305」，事主稱由於貨品是由韓國寄送香港，並且在紙箱外標明貨品名稱，並非淘寶，認為事件疑似是店員串謀偷取客人包裹，而最後警方僅「落簿」作結。隨著網購已成趨勢，大家在購物或選用集運店舖時，亦要謹慎地衡量店家資訊！
撰文： 圖片來源：Facebook群組「淘寶開心share」、Bench Accounting@unsplash、Kadarius Seegars@unsplash資料或影片來源：Facebook群組「淘寶開心share」
