微博買陳奕迅演唱會門票 港女被騙23萬港幣！3招避免網購中伏｜玩樂熱話

港女微博買2022陳奕迅演唱會飛中伏 痛失23萬元

日前陳奕迅演唱門票開售一小時即火速售㷫，一票難求！雖然早前主辦單位宣布加開4場，但不少港人都表示機會不大，有港女更索性於網上買「黃牛飛」，她於微博向一名賣家大手購入多張演唱會飛，一共$23萬元，不過她轉賬後對方隨即失聯，這才知中伏被騙。

網民唔可憐：抵死！

每年都有不少港人因買演唱會門票而被騙的例子，網民們都反鬧港女太天真，「永遠都係有人上當」、「都係嗰句，唔睇咪唔會畀人騙囉，你覺得睇陳奕迅畀人騙咁多錢，值得嗎？」、「三個字：抵X死」、「仲有咩好睇。。仲要畀人呃」。

高危貨品排行榜 （12/10更新）

過往騙徒曾以不同方式欺騙受害者，用作行騙幌子的貨品由酒店/露營車套票、演唱會/主題公園門票，至電器都有，警方Facebook專頁「守網者」列出過去10大高危貨品排行榜，即睇！

1. 酒店/露營車套票
2. 演唱會/主題公園門票
3. 電器
4. 海鮮
5. 玩具模型
6. 傢俬/家庭用品
7. 手袋
8. 租賃服務
9. 健康食品
10. 貨幣兌換服務

(排行榜逢週三更新）

避免受騙方法！

騙徒十面埋伏，社交平台出現甚多放售演唱會飛的「有伏」貼文，黃牛飛、假飛、無飛，皆有可能。就算當面交收，也難確認門票真偽，最穩妥還是透過官方渠道買飛。守網者網站全新推出「防騙視伏器」，網購付款前輸入賣方的電話號碼、轉數快號碼、專頁名稱等，一Check就知有無伏！

*提提你，就算結果顯示紫色「未有詐騙舉報」，只代表尚未有受害人向警方報案，並不等於完全安全，仍要評估風險。即上 https://cyberdefender.hk試下啦！