網民覺得阿妹男朋友目標係自己？對方心懷不軌＋打機坐到極貼｜網絡熱話
廣告
網民懷疑阿妹男朋友目標係自己？！「你係阿希？你……真係阿希？」唔知大家有無聽過DJ森美嘅電台節目，有位男生打電話上去想表白，男生分享自己經常去對象屋企打機兼貼住坐，然而森美、小儀一直以為男生嘅對象係女仔，點知接通電話後先發現原來男生係同性戀，令森美非常震驚，反覆確認有無打錯電話。巧合地，有網民遇到類似嘅經歷，懷疑阿妹個男朋友目標係自己，將故事擺上討論區後引起熱議。
網民懷疑阿妹男朋友目標係自己
有網民喺香港討論區，以「阿妹個男朋友有古怪，他目標可能是我」為題出post。樓主指阿妹男朋友每次去佢屋企都會入樓主房同佢一齊打機，又坐得好貼佢。有時樓主打機打到攰就去張床度瞓下，點知阿妹個男朋友又瞓喺佢隔籬兼眼定定望住佢。
網民建議：樓主反引誘阿妹男朋友
樓主問阿妹有無試過同男朋友有性行為，但係阿妹就話平時只係行街食飯，無錫、無摸、更加無再更進一步。樓主覺得阿妹男朋友只係假扮同阿妹拍拖，而實際目標係自己！而當中最驚人真相，就是樓主是男生！不過愛情無分性別，同樣祝福大家！
有網民就叫樓主主動引誘阿妹男朋友，睇下佢係咪真係對自己有興趣；又有網民話樓主變相係同阿妹爭仔！
部分網民質疑作料
有網民就話覺得呢個故事好假，仲質疑樓主係女扮男。點都好啦，大家睇完笑下就得啦！
資料來源：香港討論區
圖片來源：香港討論區截圖、TVB《愛回家之開心速遞》劇照
