開蓬車男綠燈停車開頂後車4男齊心爆粗：X 有女呀人地！網民爆笑狂Loop＋猜測2大停低開蓬關鍵原因｜玩樂熱話

Q: 開蓬車男所駕駛的車款是？

眼利網民指出疑似為Lexus IS250C。 詳情

Q: 網民解釋為何開篷車男需要停在路中心打開車頂？

網民指第一原因是其開篷車款式太舊，無法邊行邊開，而第二原因最關鍵... 詳情

Apr 14 2022

「老死」嘅默契，有時就真係夾過都冇咁啱。近日網上瘋傳一條「車cam片」，片中車內4名友人於燈位等候，惟轉綠燈後久久前車仍未移動，原來前面白色開蓬車正在開車頂而未能前行。但惹起網民討論嘅除左係開蓬車呢個討厭行為之外，車內4人嘅反應更被所有人讚好，將影片不斷重播仍然百看不厭，究竟佢哋講咗啲咩令網民激讚？網民仲猜測2大停低開蓬的原因！

開蓬男綠燈停車開頂後車4男反應一致：有女呀人地！

影片上載於Facebook「車cam L（香港群組）」，一開始車內其中一人表示正等待前車移動，影片顯示前面白色疑似Lexus IS250C開篷車正在開車頂靜止不動，車內即時齊聲爆粗「X！」，見到已轉紅燈時亦都好齊心咁「唉」咗一聲。當白色車開篷完成後，4人終於能夠一睹廬山真面目，「有女喺度呀人哋！」，揶揄開頂嘅原意。

開蓬車綠燈良久前車仍未移動。 — 綠燈良久前車仍未移動。（圖片來源：FB@車cam L（香港群組））

開蓬車終於完成開頂。 — 終於完成開頂。（圖片來源：FB@車cam L（香港群組））

開蓬車原來有女伴同遊！ — 原來有女伴同遊！（圖片來源：FB@車cam L（香港群組））

網民解釋2大需要停低開蓬的關鍵原因

大部分網友都唔明，點解白色車唔低速一路行一路開蓬，第1原因是舊款未必可以咁樣做；而第2是因為車上有女伴，停低開篷會「型啲」咁話，即時加多幾分，信不信就由你啦。不過就有人擔心白色車會唔會行行吓急停嚟開蓬；亦有網友覺得香港車多人忙，你喺綠燈位前咁樣做，真係阻住地球轉，俾着佢一早呠爆佢。有人更加話，開篷車唔揀係一出車而家揀喺路中心開頂開車頂都係想型啫，但係而家搞成咁仲要擺埋上網，反而會唔會樣衰咗。