開蓬車男綠燈停車開頂 後車4男齊心爆粗：X 有女呀人地！網民爆笑狂Loop＋猜測2大停低開蓬關鍵原因｜玩樂熱話

開蓬男綠燈停車開頂 後車4男反應一致：有女呀人地！

影片上載於Facebook「車cam L（香港群組）」，一開始車內其中一人表示正等待前車移動，影片顯示前面白色疑似Lexus IS250C開篷車正在開車頂靜止不動，車內即時齊聲爆粗「X！」，見到已轉紅燈時亦都好齊心咁「唉」咗一聲。當白色車開篷完成後，4人終於能夠一睹廬山真面目，「有女喺度呀人哋！」，揶揄開頂嘅原意。

網民解釋2大需要停低開蓬的關鍵原因

大部分網友都唔明，點解白色車唔低速一路行一路開蓬， 第1原因是舊款未必可以咁樣做；而第2是因為車上有女伴，停低開篷會「型啲」咁話，即時加多幾分，信不信就由你啦。不過就有人擔心白色車會唔會行行吓急停嚟開蓬；亦有網友覺得香港車多人忙， 你喺綠燈位前咁樣做，真係阻住地球轉， 俾着佢一早呠爆佢。有人更加話，開篷車唔揀係一出車而家揀喺路中心開頂開車頂都係想型啫，但係而家搞成咁仲要擺埋上網，反而會唔會樣衰咗。

網民爆笑無限LOOP：兄弟同心其利斷金既氣勢 好正！

估唔到嘅係網民多數嘅聲音係大讚車內四子嘅默契， 一聽到佢哋一齊爆粗就已經笑咗出嚟，仲話呢啲唔係識咗10年以上嘅老死都唔會有咁樣夾都冇咁岩，反應一致。而因為條片得15秒，為數不少嘅網民仲表示睇佢哋鬧人鬧得咁爽， 唔經唔覺就重播左條片10次， 重睇一次笑一次添。