做足7年開荒牛被同事杯葛批鬥 裸辭望老闆代出頭結果超失望
廣告
「職場如戰場」，但有時與同事、老闆的相知相交捱義氣，令人不禁在職場投入真感情，為公司「仆心仆命」，完全喪失私人時間。近日，有網民投搞大呻在公司工作7年，名符其實是開荒牛、一腳踢，還要面對不友善的同事對其指手劃腳，終於令樓主情緒崩潰而裸辭；意想不到的是，老闆只靠把口留人，並無實質表示，令樓主更氣憤的是，老闆另請3個人接手樓主原本的工作，才令樓主驚覺自己一直被上司壓榨，大罵「黐線公司」。
打工仔做開荒牛以1打3頂足7年 裸辭以為老闆會留人結果欲哭無淚
要做開荒牛並非人人都願意，以為自己付出了老闆必會感恩，但其實你只是一隻棋子！近日有人在《FB@奴工處》投稿，指自己在公司工作7年，擔任開荒牛兼一腳踢，但換來的是要面對一群「心理變態」的同事，更一直備受批評，令當事人情緒崩潰，毅然裸辭。開口跟老闆遞信時，以為會被開口留人，但未料老闆「除了把口，無其他實質嘅嘢想拎出嚟」。更令樓主意外的是，公司及後決定請3個人接手樓主原本的工作，其中一名的職級更比樓主高，樓主至此才驚覺「自己一直都係被上司壓榨」，不禁怒斥一句「真係黐線公司」。
網民提醒：不要與公司談戀愛
帖文引起網民議論紛紛，各有各看法。有的質疑樓主自抬身價，「如果真係咁做得野又點會唔留，我見過好多人都係講自己做幾多野，實情係乜都無」；有的逆向思維，認為老闆無積極留人，事出有因，「通常開國功臣都會畀氣老闆受，所以咪請三個人都唔要你囉」、「好多人恃住『開荒牛』呢三個字將自己抬到天咁高，公司有出糧俾你嫁」。
網民金句：公司無話邊個無咗邊個唔得！
另外有人安慰樓主，「記住，大部分老闆只會對揹鑊有印象，越做得耐越多缺點。合適時轉工，對大家最好」。有的提出很理性的看法，「打工咪放真感情，唔係心臟好易停」、「講三次，不要跟公司談戀愛」、「打工賣自己時間、知識和經驗，出糧貨銀兩訖，互不相欠。識到幾個同事可以做朋友才算是賺到」。也有網民「現實主義」掛帥，「唔好睇得自己咁重要，亦都唔好覺得公司嘢咁重要，出幾錢就做幾多嘢」、「無話邊個無咗邊個唔得，個世界一樣咁轉」、「人工多少就責任多大」。
圖片來源：《辭職的最佳時機》截圖、tvN《未生》截圖、TBS《我要準時下班》截圖、TVB《愛回家之開心速遞》截圖
