長洲買腸粉嫌唔夠新鮮要求換過盒 店主發爛渣反鬧事主！｜玩樂熱話
長洲買腸粉嫌唔夠新鮮要求換過盒
最近有網民在連登討論區發文，表示近日與朋友去長洲玩，夜晚在夜市買腸粉食，不過老闆將剛整好的腸粉留起，反而將之前整好的腸粉給事主，「眼睇住佢整咗新鮮嘅一份，但點知佢hold住咗嗰份新鮮嘅，但比我嘅就係之前整落嘅一盒腸粉，同朋友私底下抱怨但諗住算啦，或者唔太差呢」。
店主發爛渣反鬧事主
事主打開腸粉後，覺得腸粉不夠新鮮，所以打算回夜市換一盒腸粉，怎料店主反鬧事主，更指如果不滿意可以報警，嚇得事主即刻跑走。『啲腸粉又霉又爛，又冇味又唔熱，真係頂唔順諗住返反轉頭去換。有個大嬸買腸粉個陣，本身唔喺度看檔，但我去換嘅時候先出現，佢鬧我屈佢，又叫我去報警，又屈我買完腸粉，去買野飲又周圍去，依加先會甘霉，明明佢買個陣都唔喺度，應該唔會知件事嘅情況。個大叔更加扮好人話傾下計解開誤會，點知之後同我地傾嘅計係問我地「邊條道」同「跟邊個」，我地冇甘黑社會背景所以驚到走夾唔抖』。
店主竟然踩單車追事主
事主表示已經放棄換腸粉，亦已經離開夜市距離約10分鐘路程，但店主竟然踩單車追事主，更想用單車撞事主，「我地怕比人吹雞報復，已經快步離開夜市大街大約10分鐘路程，急步行已經係離個檔好遠，期間過咗好多黑黝黝嘅小路，但個大嬸踩住單車都找到我地，仲諗住撞我，我朋友攔住佢，佢就繼續鬧」。幸好最後事主與朋友成功平安童開長洲。
網民建議報食環署
事主覺得腸粉店食材不新鮮，是處理手法有問題，而且他亦有俾錢，認為換盒新鮮的腸粉無問題，其後他在網上詢問一眾網民，到底在長洲報警有冇用，亦提醒大家如果光顧那間腸粉店前要三思。有網民建議事主報食環署或者投訴店主，「你可以要求投訴佢囉，做事唔公咁，俾人恐嚇同襲擊有機上口供有排搞，最好同佢講價賠俾你」。
網民覺得店主踩單車追事主太瘋狂
不過亦有網民覺得食腸粉好小事，無需小事化大，「大餅咪俾佢，如果佢有黑幫背景你地咪GG」，「一貨一錢，憑咩要換先？仲要街頭人地又唔識你，冇錢唔好學人食街頭」，不過有網民覺得店主踩單車追事主太瘋狂，「踩住單車追你，仲要諗住撞人，真係好恐佈」。
