鑽石山全港最好住？港人勁讚無得輸 網民反炮轟事主住開沙漠｜玩樂熱話
廣告
鑽石山自開通屯馬線後，出入新界、九龍就更加方便，轉車過港島也比以往方便，加上區內有商場又多小店，因此有港人就大讚鑽石山是全港最好住的地方。不過此帖隨即引來熱議，更有不少網民反駁，即睇大家點講！
網民稱鑽石山係全香港最好住嘅地方！
近日有網民在連登討論區發文，以「鑽石山係咪全香港最好住嘅地方」為題，大讚鑽石山交通方便，是全港最靚的地皮，帖文一出即引起熱議。
樓主原PO：單講交通已無得輸！
講交通，無論地鐵定係巴士，鑽石山都贏，去中環、北角、觀塘、柴灣、荃灣、沙田、上水、元朗、西貢、大嶼山呢堆重要地方，平均嚟計交通時間都係最短，住鑽石山嘅話，日日放工返鑽石去放低嘢，搭1A小巴去西貢海傍跑個步，返鑽石山換衫再搭地鐵/巴士出去食大餐再唔係夢。鑽石山真係全港最靚嘅地皮，只不過新樓供應唔多，唔怪得星河樓價咁硬，抽到嗰邊新居屋班友真係開心過中六合彩。
被連登仔暗串：住開沙漠？
帖文引起網友討論，不過部分網友就唔多認同，認為九龍東已經唔好住，更有人指樓主連鑽石山去西貢咁遠都拎出嚟講，暗串樓主是否住開沙漠。
住鑽石山最大優點 交通方便、搭車時間夠平均！
不過亦有部分網民認同樓主的睇法，指鑽石山的交通方便：「鑽石山去好多地方都係半個鐘左右就去到（港島，將軍澳，荃灣，沙田，大埔」，亦有人指該區有商場、鄰近新蒲崗多美食選擇，買餸亦較平。
網民意見兩極！
不過有新蒲崗返工的網民就覺得鑽石山不算好住，而且商場物價較貴，認網民反而大讚寶琳的生活機能完善，亦有人認為大埔、小西灣、中環先係好住，大家又點睇呢？
撰文：CC｜來源：連登討論區、unsplash、《酷帥偷懶刑警們》劇照
圖片來源：連登討論區截圖、unsplash@@ling_gigi、《酷帥偷懶刑警們》劇照、MTR、Plaza Hollywood
