大年初一各區鎖車隊比拼！黃埔花園照鎖車、沙田第一城泊滿私家車都唔鎖！

大年初一各區鎖車隊比拼

沙田第一城泊滿私家車都唔鎖

相反有「鎖車第一城」之稱的沙田第一城，有網民指見到附近有不少私家車停泊路邊，不過就未見鎖車隊的出現。有網民笑言「大年初一，第一城特赦，師兄們，快啲來泊泊」，不過有網民覺得「佢哋唔夠鎖，佢哋係唔會放過任何一個機會」、「呢招叫引蛇出洞，之後一網打盡」，亦有街坊表示第一城年初一至初三一向不鎖車。

黃埔花園鎖車隊年初一繼續鎖車，有網民上載照片見到黃埔附近一帶有私家車停泊路邊，而其中兩部私家車的前轆已經被鎖，車旁邊更有雪糕筒圍着，有網民笑言黃埔花園鎖車隊「勤力過沙田第一城喎」、「有車出街重要有車場唔泊，泊街阻人」。

大圍顯徑邨照鎖車

另外有網民表示最近經過大圍顯徑邨時，見到馬路邊掛了一幅寫著「新年期間，照常鎖車，開鎖費HK$320」的橫額，更指鎖車隊「真正嘅年中無休」。有網民留言「過年320泊1日抵啦，夠唔夠鎖呀」、「無加價嘅？仲以為雙計」。

網民討論新年應否抄牌

有網民更在討論區發文，指「初一至初三唔阻人就唔應該抄牌，咁先和諧，同意嗎？」，有網民表示贊成新年不應該抄牌，「唔太阻街影響唔到交通都可以」，不過有網民覺得車主連鎖車錢都畀唔到，就唔應該揸車，「320都比唔起就搭的士啦」、「其實冇錢泊車就唔應該揸車」。