鋤大Dee｜港人發問經典問題：可唔可以三條咁出？網民分兩派激辯｜玩樂熱話

到底鋤大Dee可唔可以三條三條咁出？經典問題每年嘈一次

鋤大Dee（鋤大弟）是起源於香港的啤牌遊戲，在大中華地區基本上無人不曉，通常一桌為4位玩家，先打完手上的牌即可獲勝，每人手牌雖然只得13隻，但玩法變化多端，可謂是過年必玩遊戲之一。近日有網民在連登討論區上再度提問「到底鋤大D可唔可以三條三條咁出？」，經典問題再度勾起網民的神經，由討論變成鬧大交！

該位網民指昨晚與朋友圍內玩鋤大Dee，他手持「同花順PAIR煙PAIR D PAIR 3 PAIR 4」，手執一副好牌，但就被朋友「俾人連出4個三條結X咗」，令他產生疑問「乜可以3條3條咁出咁仆X架咩」、「咁唔X駛玩啦」，於是該鋪無俾錢，更與朋友反晒面咁話，不過其實該文章的內容都已在討論區上流傳多次，誰料仍能引起網民熱烈討論。

網民鬧大交！點解唔得 你邊度鄉下？VS 呢個地方真係唔得

網民看帖後大致分兩個派別，較大多數人同意可以「三條三條」咁打，「你邊X度鄉下，香港玩鋤大dee可以出三條」、「我淨係知隻隻apps都得」、「點解唔得，我手上多三條，依家一係迫你拆 一係你咪唔好出」，也有網民反問，如果三條不能就咁出的話，「咁想問下3條無pair個3隻可以點出？拆開佢出？」

另一派就認為三條不能就咁出，表示「得㗎咩？」、「咪X玩啦，點會得呀」、「3條唔係要加多pair？定我真心左」，也有網民指出台灣鋤大Dee的確不可以單出三條「應該係各處鄉村各處例，香港可以三條咁樣出，台灣人玩開就唔可以。」