都市傳說｜金鐘太古廣場前身是猛鬼軍營 商場地下仍可通往…？防盜系統經常誤嗚 保安：曾驚見日軍亡魂＋全場最猛係呢個位！｜玩樂熱話
廣告
香港人簡稱PP嘅太古廣場位於金鐘，作為各大名店集中地，更與3間5星級酒店相連，特別喺2008年翻新工程後更由內至外給予人非一般高級感覺，連洗手間亦由英國著名設計師Thomas Heatherwick包辦，但光鮮亮麗的外表其實隱藏住恐怖黑暗嘅歴史，究竟喺呢個地方發生過咩事？
金鐘太古廣場前身是猛鬼軍營 地下防空洞死傷無數！
由被空襲軍營原址建成 商場內仍可通往⋯⋯
廣場1 、2期以及香港公園前身係駐港英軍嘅域多利軍營（Victoria Camp），亦即係金鐘兵房，1941年二戰期間日軍戰機空襲香港時，炸死好多英軍及市民外，亦有部分日本戰機喺附近墜落，因此積存了很多怨氣，兵房未拆卸前，鬼故事已經不斷傳出，如果深夜經過，都會聽到慘叫聲從兵房傳出。
軍營下建有多個防空隧道，其中部分更為地下軍指揮部，雖然多個出口喺興建商場時已經拆卸，但防空洞本身仍然被保留，以備不時之需，廣場地庫正正就係入口所在地，有傳聞指大廈內仍有通道通往各防空洞，所以早年太古廣場亦係香港鬧鬼勝地之一。
保安驚見日本皇軍步操？ 紅外線防盜系統經常誤嗚 地庫長電梯最猛鬼
閙鬼事件可以追溯到1989年西武百貨公司進行開幕儀式，公司員工及圍觀市民見到一隊日軍步操穿過牆壁，事後為此做咗三日法事，而地庫入面的一條長電梯最為猛鬼，後來又有2名保安於深夜透過閉路電視見到日軍出現，西武百貨當年開業時內部嘅防盜系統採用紅外線探測物體移動，但係經常誤嗚，保安人員到場時又沒有發現任何人，真係唔知個系統探測到有乜嘢！！
太古廣場位於哪裡？
位於金鐘港鐵站上蓋。
太古廣場有什麼猛鬼傳聞？
太古廣場前身是金鐘兵房，據說當年防空洞被轟炸，造成大量傷亡，積了不少怨氣。
撰文：KW圖片來源：Google Maps, Pexels@imprensaagruban, RTHK Podcast One,Unsplash@museumsvictoria,《回魂夜》劇照
