生仔要考牌系列｜馬騮推跌女童搶食物大哭
港爸追打反擊 網民斥：唔餵咪無事

網上流傳片段，雖然未有交代事發日期，但從影片資料可見，相信事發地點是俗稱「馬騮山」的金山郊野公園，拍片者本來影住馬騮，然後講：「你啲糖有用啊，你睇吓食到佢個嘴」，馬騮疑似是因被餵食而走向人群。

片段中有1隻年幼馬騮向女童走近，並拿了女童手上的食物後即時放入口，而兩隻體形較大的馬騮亦走近女童，令她大驚直呼「Daddy我好驚」。而拍片者在鏡頭後爆出一句：「唔好亂嚟啊」，但其中一隻疑想搶食物，憤然撲倒小朋友，令女童嚇得放聲尖叫。

拍片者大叫「死啦死啦」，女童母親立即抱起女童安撫，而女童父親見狀立即追住馬騮，更作勢腳踢報復但未有成功，拍片者雖然繼續拍攝但質疑港爸行為，「仲撩佢？」，亦有在場人士稱，「陣間班馬（指馬騮會召集同伴），快啲走」。

事件遭網民熱議，不少網友直指事件是「生仔要考牌系列」，片中家長犯下3大錯誤，第一是不應餵飼罰生動物，第二是沒有好好保護小朋友安全；第三是企圖傷害野生動物，這3點會令小朋友教育出現問題。「教你唔好餵野生動物都好多年啦，仲畀小朋友行咁近」、「根本就係做父母的無評估有無危險」、「想知佢個仔畀鯊魚咬到佢係咪會落海追鯊魚」。

根據香港法例第170章《野生動物保護條例》，在禁餵地點餵飼野生動物，最高可被判處罰款1萬元。另外，任何人除按照特別許可證行事外，不得狩獵、故意干擾、售賣或管有受保護的本地野生動物，一經定罪，最高可被判罰款10萬元及監禁1年。

*現時金山、獅子山及城門郊野公園、大帽山郊野公園的部分地區、大埔滘自然護理區、鄰近大埔道之郝德傑道地區，以及大埔道琵琶山段，已根據《野生動物保護條例》被指明為禁止餵飼野生動物的地點（禁餵地點）。

立即睇片！