金像獎2023｜得獎結果惹港人不滿網民為正義迴廊、飯戲攻心抱不平

Apr 17 2023

金像獎2023結果已於昨日出爐，不過一眾網民就熱議賽果，似乎對結果不太滿意，更有網民於討論為《正義迴廊》、《飯戲攻心》抱不平，掀起熱議迴響！

網民不滿金像獎賽果

有港人以「真係覺得正義迴廊同飯戲攻心好X陰公」為題於討論區開帖，當中表示《正義迴廊》、《飯戲攻心》不論是口碑還是票房都極好，但到了金像獎頒獎禮就零收穫，大踩「好似condom咁用完就扔」、「個啲電影圈老屎忽衝出嚟香港電影返黎乜乜乜咁，講X到好似佢地嘅功勞咁X樣」、「定係想同d人講你地班傻X唔X識睇電影，票房好又點，我地電影圈嘅人先識睇電影」。此帖引來眾人熱議，大部分網民都同意事主的看法，力插是次賽果不公：「成班評審都有問題，自己圍威喂咁」、「其實班評審有冇睇過晒所有戲先投票都成問題，投票決定係『以戲論戲』定係『個人喜好』？真係無人知」

最佳男主角、最佳電影、最佳編劇成爭議

當中有3大獎項得獎結果惹爭議，分別是最佳男主角、最佳電影，以及最佳編劇。當中網民看好《飯戲攻心》應得最佳編劇一獎。「飯飯應該有最佳編劇，因為真係冇乜嘢景，幾個演員發揮得咁好，真係編劇功力」、「飯戲同正義迴廊都deserve最佳編劇，飯戲其他獎唔夠人爭」。

其中話題之作《正義迴廊》失落最佳電影、最佳男主角獎項，網民同樣不滿，「講陰公嘅話一定係正義迴廊，飯戲攻心你話冇獎，都仲可以話佢係新年喜劇。正義真係講唔通，全部演員都做得咁好」、「正義雖然係真人真事改編藍本，但佢嘅拍攝手法憶述案情真係冇一套港產片係咁樣拍法」。最佳男主角一獎競爭相當激烈，網民本以為會是《正義迴廊》的麥沛東或楊偉倫，不過最後大熱倒灶。網民對此表示不滿，「正路啊，個個都預咗係正義拎，以戲論戲，淨係阿倫都已經做得好好」。

網民反駁：本身就唔關票房好唔好事！

有部分網民則認同賽果，「公道講句，呢兩套都真係唔好睇，尤其飯氣攻心，真係悶到仆X，啲笑位又唔好笑，演員演技又一般」。有清醒的網民就指出向來票房都不是金像獎的指標，「金像獎係工業獎，去表揚業內覺得好嘅作品」，因此與民選結果有出入。有網民以30年前王家衛奪金像獎最佳電影與最佳導演為例，當時該電影大眾口碑和票房都一般，引來眾人不解。