【連體夫婦】一夜變網紅富貴！無腳男戀富家女大學生拋妻棄女｜網絡熱話
撰文：Andy｜圖片：連體夫妻抖音截圖、網絡影片截圖｜編輯：Bonita ｜原文刊於：新Monday
【連體夫婦】一夜變網紅富貴！無腳男戀富家女大學生拋妻棄女｜網絡熱話
內地一對殘障夫妻因意外分別失去右前臂和下半身，兩人外出時要妻子竹簍孭住丈夫，丈夫騰出雙手幫妻子攞嘢。兩人外出被拍片放上網後大受歡迎，內地網民紛紛表示「相信愛情」，兩人更榮獲內地網民尊封為「連體夫妻」。但，近日傳出男方疑搭上身體健全、家境殷實嘅女大學生。令呢嘅內地愛情童話破碎，隨之破碎嘅仲有內地網民相信愛情嘅心。
動人心弦嘅愛歌
因車禍失去雙腳後，男方就患嚴重抑鬱症，更試圖自殺數次。後來在一個殘疾人士聯誼會上遇到女方，對方亦因車禍失去右前臂，兩人感同病相憐、越傾越埋，最後共墜愛河。當然仲有其他版本，有興趣讀者們自行查閱啦。
一炮而紅 財運亨通
係網絡紅咗之後，內地傳媒紛紛聞風調查兩人底細。內媒稱，「連體夫妻」的無腿丈夫屬於高度殘障，與失去右前臂的妻子阿嬌婚後育有1名女兒，係網絡紅咗之後靠做小生意維生。兩人本身有政府傷殘津貼，之後又吸引到有錢嘅善長仁翁慷慨解囊。可以話係衣食無憂。
男方與其他女仔親密短片流出
好景不常，兩人感情於2018生變。當年傳出男方出軌，與四肢健全的女子狀甚親密，更有兩人親密互動嘅短片係微博流出。網民深挖發現該名女子係男方粉絲，而且係家境殷實嘅女大學生。該女子一直對男方心生愛慕，故一見就情難自禁、主動獻身。「連體夫妻」雙方都保持沈默，直到男方狠心拋妻棄女，呢件事又再次被翻炒出來。獨臂賢妻悲慟欲絕，回娘家生活，獨力扶養女兒。男方就搬到女學生家中開始快樂新生活。大量網民開火批評無腿丈夫始亂終棄。
