跟住港女去旅行 連詩雅 10大港女行為
廣告
ViuTV一連兩日播出《跟住矛盾去旅行》，大家有目共睹兩代「女神」之間的差距有幾大，先唔好講「女神」呢個稱號係唔係名符其實，但係 連詩雅 表現出一個又一個嘅港女行為，只可以話呢位女孩子真係「世界級」。由《跟住矛盾去旅行》變成「跟住港女去旅行」，佢嘅港女行為實在太多，今次我哋為大家精選咗其中10個，睇吓大家又頂唔頂得順喇。
1. 素顏唔出得街
Shiga話佢每日要早兩三個鐘頭起身set頭、化妝，筆者作為一個女孩子，都覺得佢用得太耐喇。
2. 語無倫次
小姐，請問你知唔知自己講緊乜？
3. 淨係食貴嘢
連詩雅聲稱自己成日食罐頭，但係就連豆豉鯪魚係咩都唔知，說服力會唔會太低。
4. 玩電話才是正經事
就算明知有鏡頭影住、進行緊拍攝工作都好，都係玩電話最重要。
5. 見到昆蟲大驚小怪
根據另一位女神葉蘊儀所講，其實Shiga掂到嘅只係一條蜘蛛絲，但係就已經大驚小怪，向經理人求救。
6. 同一個地點影100張相
工作人員話本來一段20分鐘嘅路程，因為Shiga要不斷影相同行街，搞到最後用咗2個鐘，即係話要葉蘊儀同其他同工人員等咗佢個幾鐘，會唔會太大牌？
7. 做事不分輕重
雖然係鍾意食朱古力，但係都無理由要全個團體等你一個去行街，做緊嘢㗎，專業少少得唔得？
8. 推卸責任
事後訪問返，仲要唔認係自己問題，覺得係因為製作團體要拍攝，所以拖慢進度。
9. 不尊重製作單位
製作單位安排「驚喜」，要求她們入住Hostel，Shiga立即怪責工作人員沒有事前通知，但講到明係真人騷，乜都講晒畀你知就唔係真人騷啦。最經典係，連佢個經理人都一樣諗法，果然兩位都係「世界級」。
10. 原罪：連詩雅
睇完兩集「跟住港女去旅行」，發現連詩雅真係好鍾意講嘢，聽佢講兩個鐘嘢其實都幾辛苦，學葉蘊儀話齋：你可唔可以靜吓？
連ViuTV都忍唔住剪咗條花絮出嚟抽水，大家又頂唔頂得順呢位滿口英文、嘈端巴閉嘅「女神」呢？
以上截圖：ViuTV
