港人怒轟速遞司機疑似偷貨 向公司要求賠償兼道歉被拒！｜玩樂熱話
廣告
不少人都會用速遞公司送貨，不過最近有網民用速遞打算將兩張演唱會飛送給朋友，怎料司機連信封人間蒸發，該公司亦拒絕出道歉信，事主十分憤怒，最後亦拒絕接受其提出的賠償。
港人託速遞公司運送2張演唱會門票 司機連人帶貨消失！
事主表示在12月11日，將兩張$980的演唱會飛放入密實信封後，用速遞服務送給朋友，但最後司機連信封人間蒸發，事主估計司機自己拆過密實信封，最後速遞公司作出賠償，讓事主選擇$2,000現金券或$980×2現金的賠償，不過事主覺得以上賠償，覺得完全不合理。
公司拒絕出道歉信
事主提出以下賠償，包括兩張$980演唱會門票或賠償現在市價門票的價錢，扣除兩張演唱會門票後的餘額會捐去慈善機構，另外要求提供書面道歉信，解釋事件、經過、事後安排、改善計劃，亦要緝拿涉嫌司機，報警處理，不過速遞公司拒絕以上的賠償。
事主覺得速遞公司包庇自己司機
事主覺得既然公司已經出信，「就算畀一萬蚊現金券我都唔會再用，賠償$980 ×2現金畀我都不足以彌補本人的損失，市面上沒有可能以$980購買一張門票。速遞公司聲稱在我接受賠償前，絕不會發放書面道歉信。再追問有關司機的消息時，佢哋聲稱只是不斷打電話聯絡司機，沒有報警的意圖」。事主覺得速遞公司企圖包庇自己的司機，想大事化小，但今次事件好大可能涉及盜竊罪。
事主怒轟：連基本嘅誠信都做唔到
事主續指「一件物品衡量嘅單位唔淨係錢，仲有當中撲飛嘅心血同埋時間。本人選擇使用佢哋，是基於想更快和更安全把貨物送到收件人身上，但估唔到聲稱自己係最可靠最快最安全嘅平台，原來可以將客人嘅貨物唔見咗之後，就草草了事。每年投放咁多錢落去做廣告，但係連基本嘅誠信都做唔到，以後仲點樣搵佢哋送貨」。事主覺得此事受到很大困擾，希望速遞公司立即作出回應和提供書面報告解釋成件事。
網民建議事主報警處理
不少網民紛紛留言，建議事主報警處理，「購買演唱會門票會有購買記錄做證據，依家明顯係盜竊，但佢哋諗住hea咗就算」、「快快手落案先」、「可以咁架？光明正大話畀大家做佢哋司機可以咁」。
圖片來源：《BB來了》劇照、IG@lalamove_dishonesty、法證先鋒5 》、TVB《愛．回家之開心速遞》截圖
