油麻地140呎透明劏房月租$6,800！廁所床位無縫交接：1秒生活圈｜網絡熱話

140呎開放式透明劏房月租$6,800

最近有人在「租屋｜筍盤｜免佣|放租谷」群組上，放租油麻地一間140呎單位。單位表明為「開放式套房」，3分鐘可以去到地鐵站，有電梯和保安，$6,800包家電與傢具。在地理優越位置和包家電上，聽落都不失為一個好選擇。但唔好咁開心，睇埋圖片先講，在套房間隔上，其實狹窄得難以住人！

透明劏房：廁所床位超貼！

從照片上可見，透明劏房一開門後，一覽無遺，左邊位置為廚房與衣櫃，配有微波爐、洗衣機，以及一個與洗衣機一樣尺寸的細雪櫃。不過收納空間十分多，有不少入牆櫃。而洗手盆位置卻非常細小，洗菜時右手會被廁所門頂住，非常不方便。而緊接洗手盆旁邊，就是落地透明玻璃窗的淋浴間，同樣沒有乾濕分離，就配有一個花灑、坐廁與洗手盆。

而床位雖然有提供，更設有電視機，不過亦屬單人床，在床與廚房之間，亦只有一個身位的闊度。惟一較好的就床尾位置的小窗，算是較為「通風」。

網民狠批：屙緊屎都可以睇火

不過，對於這款極細小的單位套房，網友卻大指業主沒有良心，表示「呢啲業主幾時死」、「屙緊屎都可以睇火」，將廚房間出變成劏房，更大收$6,800，實在非常過份。有人更指就算有洗衣機，亦沒有位置可以晾衣服，網友笑言是一秒生活圈。

有另一班網民即認為業主已經算係彿心，大讚「算係家電齊又企理，其實劏房就係咁」、「有啲上車盤都係咁咋」、「靚過我以前英國讀書個宿舍多多聲」。直指劏房嚟講，呢個格局都算係四正了，看來香港的土地問題真的好嚴重！

資料來源：FB@租屋|筍盤|免佣|放租谷|