港女嬲男友入迪士尼$1都唔肯使＋$100頭箍都嫌貴！最終委屈爆喊 ｜玩樂熱話
廣告
迪士尼樂園是不少女生愛去的主題樂園，每次入去都仿如進入一個夢幻國度，忘卻生活中的煩惱。近日在連登討論區上，一名港男以「女朋友嬲我去迪士尼一蚊都冇洗過，點算」為題發帖，分享自己與女友去迪士尼的經歷，再問大家「係我唔識浪漫情趣，定係我女朋友太港女？」網民卻一面倒力撐女友，仲勸佢儘快分手！
港女嬲男友入迪士尼樂園一蚊都唔肯使 ！可愛頭箍嫌貴唔肯買
港男發文指「最近迪士尼推出兩次入園優惠，前日特登請假陪有銀卡嘅女朋友去，另一次就聖誕節去」，剛入園無耐已感到女友很興奮，並興高采烈地試戴「港女頭箍」（應該是指Disney角色頭箍），再向男友露出想買的表情，但港男就叫不要浪費錢，女友只好失望地放下。
打卡飲品嫌排隊都唔買
續指「之後經過見到啲人排曬長龍買嗰包血（飲料），佢又想買嚟打下卡」，但港男見人頭湧湧，超多人排隊，於是一手將女友拉走，女友由這時便開始黑面，最後還委屈到喊，港男追問才得知女友覺得「今日入迪士尼咩都無買，而且咩都無食過。」才感到不高興。
男友：陪你去迪士尼仲想我點？
港男最後更指「我嗰下呆X左，心諗陪左你去迪士尼打卡做港女，仲想我點？又係你自己話唔抵買，又話我地一蚊都冇洗過，之後我就講返句最多下次聖誕節去再買過。」然後再問大家「係我唔識浪漫情趣，定係我女朋友太港女？」
網民嬲爆 一面倒撐港女分手
帖文一出，網民一面倒力撐女友，「頭箍少少錢都要慳，入乜嘢迪士尼？」、「你陪佢入園玩大晒？講到好似恩典咁」、「個頭箍買嘅係紀念品，係等以後見到個頭箍都諗返起同你去過迪士尼嘅甜蜜回憶，$150抵比啦」、「仲孤寒過我學生時期」、「入迪士尼唔打卡去黎把X？」、「平時可以叫條女慳錢買其他嘢，去得主題樂園慳得就慳仲有咩樂趣」、「比著我飛咗你N年」只有少數人認同大家又點睇呢？
最後女友出聲平反！
女友後發文為男友平反，表示原來該帖子是女友以男友的角度而寫，目的讓網民罵自己「死港女，恥笑下我咁」。同時又解釋指自己也覺得頭箍其實不太重要，長時間戴著又弄亂頭髮。女友最後強調雖然男友欠缺情趣，但依然很感激男友的陪伴，因為只有他肯陪自己入迪士尼，所以她認為男朋友願意與她一起感受一下節日氣氛已經感到非常開心。
圖片來源：IG@hkdisneyland、新假期編輯部
