連登仔呻家長帶小朋友去迪士尼好無益 怒轟：根本唔識教仔 ！｜玩樂熱話

連登仔呻帶小朋友去迪士尼好無益

樓主覺得父母應該要用心培養小朋友，例如去海洋公園睇魚、去認識大自然，或者學烹飪、書法等的親子活動，好過去迪士尼，「不過好可惜，現代父母都是無乜學識，又無文化，港女港男本身拍拖就是消費再消費，所以同仔女出街，一樣都是消費再消費，完全浪費時間」。

網民：多樣化娛樂都好重要

有網民認同樓主，覺得去迪士尼只是純娛樂用途，「去到啲表演設施差唔多次次一樣，倒不如多樣化小朋友嘅經歷仲實際」、「如果一星期咁多日都去，的確太多」、「我有細路，我認同，你應該講清楚少少，重點唔係唔可以去迪士尼，而係剩係識去迪士尼，多樣化娛樂都好重要，同埋小朋友其實應該玩更加多要身體郁動嘅嘢，不過香港啲家長一來懶得諗活動，二來又懶得貼身睇實個細路，三來又乜都驚一餐，外國好多細路走去公園爬樹嗰啲，香港家長實話危險污糟又乜又物」。

去迪士尼等於細個落公園

有網民不認同樓主，覺得現今的家長帶小朋友去迪士尼玩，其實與小時候去公園玩是一樣，「小朋友玩咪玩囉，對小朋友呢個階段嚟講，任何生活體驗都可以係有益，即使本身嘅purpose唔係學習」、「去玩都唔得，去迪士尼咪等於你細個落公園，你細個你老母唔比你落公園玩？」、「人地屋企有錢，日日去關你X事，迪士尼根本是完全『無營養』，你無得去呃自己姐」。

網民諷刺樓主是窮人

有網民諷刺樓主，只有窮人先會覺得去玩等於無營養，「放狗咁放啫，你有養狗嘅話，帶隻狗落街散步放電，想幾有營養」、「自己生件BB實踐下自己嘅理念先啦」、「去玩想有咩營養，日日都要學嘢咩」。

謝安琪、孫慧雪、陳茵媺等明星無故中槍 被網民助長歪風！

有不少家長都會帶子女去迪士尼玩，一眾明星也不例外，其中謝安琪、孫慧雪、陳茵媺等藝人更是迪士尼忠粉，他們是次都無故中槍，網民批評他們作為公眾人物經常貼出去樂園玩樂的照片，狠批此行為助長歪風。

家長列3大點反駁！

此帖引來極大迴響，一眾家長亦大表憤怒，「人哋有錢日日去關係Q事咩？」、「請問點為之有營養活動？教小朋友唔係返工，係無放工呢回事，全家去玩下輕鬆下又有問題？」 。同時更列出3大點反駁樓主，指迪士尼一來可以學英文，「入去睇英文騷唔得？晝室學畫畫，仲有泰山船全程英文」、「對小朋友嚟講，隨處都可以有嘢學，唔通學法文就一定要掟去法國咩？」 ，二來可以學社交、學溝通，係一個好好的學習好去處， 「又可以同陌生人互動溝通」、「迪士尼唔係淨係得公主王子，好多電影教小朋友勇敢，好多正面訊息」，三來可以為小朋友的童年增加寶貴的回憶，「唔通日日補習，到時又話冇童年」 、「迪士尼係細個去先會有feel」、「可以享受family day」。

資料來源：連登討論區