港男被女友逼一季入迪士尼40次！崩潰大呻：聽到3個字就想嘔！｜玩樂熱話

迪士尼狂迷女友3個月入園40次！港男超崩潰：除咗去食飯就係入迪士尼

最近一名港男在Dcard討論區上，以「條女日日都逼我陪佢去迪士尼」為題發文，與網民分享自己與迪士尼狂迷女友的日常。他指自己本身對迪士尼樂園不抗拒也不是特別喜歡，但當自己女友愛上去迪士尼後，他現時只要一聽到「迪士尼」3個字已經想嘔！

他表示「因為由9月到而家，我同佢已經去咗最少40次迪士尼，基本上一有時間就去，就算只係晏晝得閑，都要入去行兩個圈。」即使他有嘗試過提議去行山、行市集、野餐、Staycation等活動，但女友通通全Ban，因為她只想去迪士尼，現時迪士尼就是唯一的拍拖好去處。

港男直指「X，可唔可以唔好咁癲，我而家見到米奇老鼠都反胃！」表示其實每次行程都差不多，包括買頭箍、喺城堡前面影相影一個鐘等，雖然樓主感到好悶，女友始終都唔會嫌悶。他更稱只要提出今個星期不如去少一次，女友就會回「其實你係咪唔愛我，點解你都唔陪我做我想做嘅嘢？」最後只好無奈再入園一次又一次。

網民大讚：咁咪仲好！

部分網民看後就大讚「咁咪仲好，唔使諗去邊同買咩禮物」、「買完年票咁去法都幾好，年中慳唔少錢」、「任食概念，俾咗錢唔去多幾次就唔抵」、「今期你最抵啦，咁快回本。」不過也有人同情樓主「好X慘」、「去咁多次唔嫌悶咩？」、「唔明有啲咩咁好去」。