迪士尼員工列樂園3宗罪 人工低唔係最慘！有網民唔認同反駁！｜玩樂熱話

迪士尼員工列3宗罪大呻工作辛苦！

1.同事好難頂 人事關係複雜

有返商品部的員工表示，入面的同事好難頂，人工又低，「除非住好近又唔太等錢洗，又鍾意樂園，否則麻麻」，不過有現在做商品部的員工則指返工返得幾開心，更細數多項返迪士尼的好處。

2.被Cut更好平常

有網民詢問如果返平日的兼職，「係咪會編哂5日更畀我？」，有員工回答「依家開一三五咪一三五編晒，除非佢夠人先唔會編你更，所以提早request假啦」，不過都有員工表示未必會編咁多更，「cut人手cut到喊，其實依家momentous出咗之後，有返工都應該feel到中午人流係比以前少好多，變咗大批guest都集中喺下午茶前後 – 黃昏前，但係 opener收5/6點，你叫收夜嘅點算好」。

3.就算紅雨都要返工

最近有網民在討論區發文，控訴在迪士尼返工好難頂，尤其是下雨天，即使紅雨都要返工，如果做戶外的演藝人員，即使著雨褸，著完都會全身濕。

有網民列好處反駁！

買嘢有折+員工證可以任入園區

商品部的員工指，覺得人工算正常，又有交通津貼，買嘢有折，員工證可以任入園區。他坦言返迪士尼一定會辛苦，「我就返多陣企慣咗就冇事，有人返第一日ojt嫌多嘢記，場都未出過就唔撈，有人企幾日場嫌辛苦，一個月都冇就辭職，亦有人好鍾意做做到轉full time」。至於同事好與壞就睇鋪頭，「我返果度就pt一堆都好熟好玩得，ft唔理我哋，難頂又未算，有興趣可以報咗先，真係唔鍾意咪辭職，大把人都係咁」。

PT出糧時間Flexible

有不少人都是去迪士尼樂園做Part-time，而樂園PT一星期就會出糧，對於急用錢的人來說是很好的安排，非常flexible！

資料來源：連登討論區