ViuTV《車中泊》被網民炮轟主持煮食教壞人 露營友劣評3宗罪：我睇緊啲乜

ViuTV節目《車中泊》主持煮食教壞人 網上劣評3宗罪

近年在日本就興起「車中泊」的新生活方式，主要是將汽車被改裝成一個生活空間，有如流動式的蝸居。車中更會配備不少日常生活設施，比如是睡床、書桌等，在狹小的空間滿足平日的生活需求。

由於「車中泊」近期在香港開始興起，VIUTV就開了一個新節目介紹香港不同的「車中泊」生活，不過最近播出的一幕卻震驚不少網民！

在節目《車中泊》中，有主持竟然在煮食時，細炊具用大爐，大炊具用細爐，更加將手柄摺起來煮食。有網民隔住個螢幕都感覺到十分危險，於是忍不住在網上發文，認為主持只是上鏡唔識野外煮食都可以理解，但是不可能全個劇組都冇人發覺有問題，直指節目組製作不認真。

網民批評1：主持根本唔識野外煮食

帖文一出，不少喜愛露營的網民都紛紛表達意見，認為主持細炊具用大爐，大炊具用細爐，煮食過程危險。「我一路睇一路R曬頭，我究竟睇緊啲乜」、「其實個節目焦點係嗰幾位主持同架車，所以唔好用正常思維去睇」。

網民批評2：節目製作求其

好多人批評節目製作求其，好粗製濫造。「一路望住個三位既專容要一路撳住想擰台既衝動」、「粗製濫造節目,好似中學生拍片咁,又想盈（塑）造日韓YouTubers感覺,當睇既人係X碌,但大把人受!」

網民批評3：節目同車中泊完全無關係

另外，亦有人批評節目內容根本不是介紹「車中泊」，不過只是以「車中泊」做背景的另類飲食節目。網民直指：「成個節目都錯晒，3個女仔咩都唔識，啲對白又廢。」、「呢套嘢真係唔好睇， 同車中泊完全無關係， 都唔係講露營車、營地、宿營嗰啲嘢， 佢揸住部車周圍去人地地方飲飲食食，同一個自駕遊嘅旅行節目無分別。」

不過亦有人認為，都是做電視節目不用太認真，當睇下沿途優美風景就算，「玩車中泊架撑幾大幾重都無所謂，有車拎部家用石油氣爐去煮都得，呢d節目睇下就算不必太認真。」、「我當睇風景」、「個景真係一流」。