跌公司銀包失$50,000！荃灣麵包店姐姐路不拾遺拒收答謝酬金｜網絡熱話

弟婦跌銀包險失公司數$50,000 ！

出帖文的樓主指，本身已經經常去到位於荃灣鹹田街的一間麵包舖買麵包，因其麵包又平又好食，職員姐姐們更非常友善，曾不止一次公開讚揚麵包店，早前有次樓主買麵包沒有帶現金，但店內又沒有提供八達通支付工具，姐姐都非常有人情味指「下次先俾」。而今次發生的事件，就是樓主的弟婦遺失了銀包，銀包內有屬於公司未入帳的數目，高達$50,000 ，弟婦更加返到屋企先發覺遺失銀包，令樓主與家人們都打定輸數！

荃灣麵包店姐姐路不拾遺 仲拒收答謝酬金

不過後來他們重組案情，弟婦只是去買3個麵包時，取出銀包付款。於是樓主一朝7點去麵包舖問過，但麵包店指可以3點再來問另一位同事，最後發現是姐姐執起，更路不拾遺物歸原主。有見及此，樓主都想付酬金答謝，不過姐姐們拒收，結果樓主買了幾百蚊生果多謝姐姐。

姐姐路不拾遺被網友激讚：好難得！

樓主將事件分享到「荃灣人群組」，不少荃灣街坊知道後，都大讚人情味麵包店！有人對麵包店改觀，指本身以為姐姐們都較冷淡，猜不到是那麼好的人！而不少荃灣街坊都指麵包店本身已經好好食，今次這個好人好事更應該要表揚！

網民建議：買麵包幫襯派街坊

有網友都指今次失而復真的很難得，樓主不應只是送生果，反而可以買麵包幫襯，然後派街坊！不過樓主卻覺得因限聚令與天氣太熱，公開派麵包要相當的人手維持秩序，又怕違反限聚令，所以希望遲一些買大量麵包派給公公婆婆，日行一善！而且有網友都認為買麵包只是幫老闆賺更多錢，想表揚姐姐們，就應該將錢用於姐姐身上，讓她們受惠，因此樓主都回應指買了生果送給她們，希望能幫到她們解暑。

有網友更擔心樓主會責怪弟婦，不過樓主亦留言回應「我哋eq好好嘅，梗係唔好怪佢啦，佢都唔想嘅，有問題一齊解決囉」，非常有愛！

資料來源：FB@全失明嘅麵包無眼睇、FB@荃灣人群組