大西北屯門VS北區粉嶺買樓2揀1！網民2大原因力撐屯門樓

大西北屯門VS北區粉嶺買樓2揀1！

不少住在大西北／北區的港人都在市區上班，每天來回市區隨時會花費數小時，不過樓價較低是不爭的事實，有錢人人都住貝沙灣啦。因此如果由「偏遠界」的兩大代表地區，大西北屯門VS北部粉嶺，同一預算之下網民又會如何選擇呢？根據網民的投票，結果竟然意外地一面倒！編輯為大家整合出以下原因。

網民2大原因力撐屯門區

1.相對交通較好

在衣食住行上，交通是非常重要的一環，尤其打工仔要如「黎生」一樣努力返工，唔係哪有錢供樓？所以上下班的交通工具和時間就更顯重要，網民提到雖然屯門公路塞車問題嚴重，甚至Facebook還有屯門公路塞車關注組，不過「東鐵同吐公（吐露港公路）衰過西鐵同屯公」，而且狠批粉嶺的交通很差，地方非常分散，導致「啲巴士喺粉嶺入面兜好耐」，收工有排搖巴士都未返到屋企！

2.大商場配套完善

除了交通之外，最多網民反映的是屯門有一系列的大商場，如V City、屯門市廣場、甚至連新盤NOVO LAND也有5萬呎的NOVO WALK新商場，網民稱「一個屯市已經贏晒，四間戲院、Donki、松本清、壽司郎、一田」，在日常購物、食飯的層面上根本無得輸！相反狠批粉嶺「又似鄉下地方，想買野，大商場都冇個，買食材，一間高檔超級市場都冇」、「粉嶺廢區一個，乜X都冇」、「粉嶺一個似樣嘅商場都無，火車站隔離華𢡟名X商場真係30年不變都係咁霉」。

相反粉嶺唯一優勢是…

網民表示粉嶺有一個極大的優勢是鄰近中國內地，可以隨時北上返大陸玩，快到可以10-20分鐘內返到。不過整體而言，網民都是認為屯門可以全方向大勝粉嶺，直言「除非你好鍾意返大陸」，否則屯門區會是較好的選擇，稱屯門沒有想像中的不方便，連放假也不用離開屯門，即可在區內處理全部好衣食住行。

原帖連結：按此