貨車夾硬轉線再急停結果現眼報 網民：大快人心！有人竟質疑事件另有內情？
廣告
有時香港揸車真係揸到一肚氣，車多路窄你爭我讓甚至遇着一啲揸車冇乜車品嘅人你都咪話唔嬲。早兩日有人上傳一條車cam片，片主好地地喺中線行緊，一輛客貨van突然由快線轉線cut入，仲突然煞掣，差少少就兩車相撞，片主都仲未嬲得切，快線就出現咗一架着咗警示號嘅交通警車，但細心留意就可以發覺可能警察一早就已經著燈叫貨van停車，究竟係報應定係有其他原因？
貨車夾硬轉線再急停結果現眼報
網民：大快人心！有人竟質疑事件另有內情？
事件發生喺土瓜灣一段路上，片段一開始顯示車cam主人一直安守本分喺中線行駛，但過咗兩個燈位之後一架黑色貨Van由快線轉入，本來打燈轉線好正常，但係佢勁心急夾硬嚟，冇等人慢駛讓位俾佢入，加上轉咗線之後仲要煞掣，差啲就同片主相撞。說時遲那時快，一架俗稱「格仔車」嘅交通警車已經着咗警示燈尾隨貨Van，貨Van唯有喺燈位前停低。
好多網民都表示俾人硬入嘅情況每日都會出現，但係睇完呢條片之後覺得簡直係將之前積埋落嚟壓力一次過抒發晒，大快人心！有人提議其實轉線都可以好有技巧，好多人下下就喺人哋面前cut，其實行前少少，喺前車車尾入會安全好多，就算要dup停後面都有多啲時間反應；更加多人指出嗰架警車一定喺附近，究竟貨van司機有幾冇留意路面情況先至會犯下呢個錯誤呢？
但係有一小撮眼利嘅朋友留意到片入面一啲細節位。有啲修行比較高嘅司機就話其實呢啲情況老是常出現，最起碼貨Van都有打燈，煞停係因為前面泥頭車都煞緊制，如果大家望真啲，貨Van入咗中線之後一直都靠左行，而根據警車出現嘅速度，有冇可能其實警車一早已經示意佢停低，佢一緊張揗雞先至會有啲咁魯莽嘅切線行為？其實有時揸車你只係見到附近發生咩事，大家忍讓下，其實好可能人哋有說不出的苦衷！
車cam片捕捉到啲咩？
貨Van夾硬轉線再急停差啲撞車，結果…詳情
網民有咩睇法？
簡直係現眼報，但有眼利嘅網民見到…詳情
圖片來源：YouTube@車CAM特警
