傳警察抄牌前打電話提醒 車主即時開走可慳返$320 意外地好多人試過？網民質疑作故仔兼猜測真相｜玩樂熱話

警察抄牌前打電話提醒 車主即時開走可慳$320？
網民質疑作故仔：揸10年車都未試過

一名網民在Facebook「全港違例抄牌提示區」上發帖，指他「尋晚20:15分上海街抄牌，竟然有阿sir打俾我叫我走，俾少$320，真係唔該晒」。該位網民對於警方在抄牌前會打電話提醒感到意外，而更意外的是最後並無抄牌，慳返$320（違例泊車定額罰款）。

網民看帖後就分為兩派，一派網民指自己都曾有同樣的情況發生過，「我係荃灣都試過，人間有情」、「我都試過兩次」、「我都有咁」、「我試過仲誇張，得車牌無電話(電單車)，打上台搵電話叫我走」。

另一派網民就質疑作故仔，，直言「揸10年車都未試過」、「打比你然後$320變$450都見過」、「我都試過，喺佐敦打俾我叫我開車走，但已經抄左牌」其後有網民猜測，有機會是因為警方接到投訴需要處理，但事主停車位置不算太差以致影響他人，於是不想事主無辜受罪，所以出於好心打電話提醒。

不過也有其他網民提醒「我有個朋友在油麻地，收到電話叫佢開車，開走咗後，半個月收到320繳費通知信，原來俾人攞走咗張牛肉乾」，事主到底有沒有被抄牌，可能要等半個月後才正式開估了！