打工仔嘆真係「識人好過識字」網民：識人都係實力嘅一種｜網絡熱話

連登仔嘆「識人好過識字」：做生做死都得嗰兩皮嘢

日前有網民以「出嚟做嘢 開始體驗到『識人好過識字』」為題發文，大呻「現實真係好X不公義」，不明白為何有些人「冇料都可以飛黃騰達」，指現時自己做生做死也只得約兩萬元薪金，但假如認識到有地位的人「X fing都月入十皮廿皮」，甚至上班不用工作，下班就去開派對，自己就要工作至凌晨，直言覺得很不公平。

引網民共鳴：好後悔自己太內向無識多啲人

樓主此post得到部份網民認同，有網民悲觀表示「習慣下啦，自己谷X氣都冇用」、「唔識人好多時就係嘢就你做，名就落第個」，的確是非常不公平；有網民分析指「喺香港，hard skills過咗中學階段之後基本上冇用，soft skills同networking先有用，好多讀唔成書，但係好識做人嘅人，錢途一啲都唔差」，直言「所以不嬲話入大學唔係讀書，係識多啲人」。

即有網民同意並指後悔當年太內向沒有儲人脈；有網民分享個人經驗，指「入大公司做睇住經理個仔直昇機咁升職，5年升三級人工上咗個double」，事實證明識人的重要性，也有網民慨歎「原來公開考試已經係成世人最公平」。

另有網民批樓主思想幼稚：識人都係實力嘅一種

但有更多網民不太認同樓主的想法，指出「社交、識人都係實力一種」、「人際關係，溝通技巧，情商都係實力」，「識人都要好多技巧㗎。要時間去應酬、又要做人圓滑、又要性格好，你估真係咁易做到咩」，反批評樓主入世未深；也有網民指出「如果係佢自己social返嚟都係實力嚟 ，尤其係你轉工轉行，人脈尤其有用」。

另有網民指出，識人最多也只是一張快速入場券，指「你無料人地一樣唔想睬你，唔好講到唔洗做靠關係乜都得」，又指「日久見人心，keep到有人緣先係最難」，因此識人只是加分，最重要還是讓自己成為一個「識字又識人」的人。

原文截圖：

資料來源：連登討論區