港媽斥中學謝師宴人頭$1,000獅子開大口 缺席要$XXX：根本變晒質！
廣告
每年到了臨近畢業季，總會有大大小小的典禮及宴會需要出席，當中謝師宴就是其中一個學生期待的活動之一，只因苦讀6年終於有機會能夠答謝師恩。不過，原來當今世代的謝師宴收費十分高昂，更有限制出席及不出席學生需要付出的金額，與參加婚禮的人情有得揮！有港媽就苦呻自己的子女收到學校的謝師宴通告，當中寫明出席的同學需要付$1,000，而缺席竟然仍要比錢，令網民不禁質疑謝師宴意義經已變質！
港媽呻中學謝師宴濫收費 出席需付$1,000缺席仍要比錢
因為疫情放緩，不少大型活動都開始復辦，當中就包括學校的謝師宴。早前就曾流傳一張學校通告，通知學生繳付近千元參加謝師宴，惟不出席仍需繳付$350。而日前亦有一位港媽發文苦呻子女學校的謝師宴收費高昂，有指這位港媽的子女正就讀中學，近日收到學校通告指如果學生要參加謝師宴，需要繳付$1000；就連不參加的學生亦要付$400，令港媽大感不滿。
謝師宴意義變質 學生家長：好重負擔！
眼見謝師宴的收費越來越昂貴，不少家長都質疑現今的謝師宴意義已經變質，直指謝師宴的重點應在尊師重道，以聚餐形式多謝老師，而非將重點放在收費之上，否則將會令人感覺謝師只是其次，其實在斂財。加上因為不出席的學生亦需支付近400元的費用，無疑加重學生家長的負擔，絕對是百害而無一利。
網民反應兩極：用錢表達謝意 VS 6年一次值得
對於謝師宴的收費越來越貴，網民的意見就十分兩極，部分網民同意港媽的說法，認為謝師宴的重點應放在「大家齊齊整整食餐飯」、「多謝老師6年嚟嘅教育同照顧」，而非「重金額多過其他嘢」，否則就會令大家覺得「好似用錢表達謝意」、「越貴就等於越多謝？」。亦有家長指「去到又係食垃圾」、「學生家長一定有錢畀？」、「基層點畀得出」。惟有網民就認為謝師宴「6年先食一次」、「咁耐先一次比貴啲都值得」、「少少嘢都咁計較」。
圖片來源：MBC《戀愛雖然麻煩，但更討厭孤獨！》劇照、TVB《愛回家之開心速遞》劇照、ViuTV《教束》劇照
