港男IG Shop訂花慘被甩底 足足遲3個鐘！求婚後先收到貨 花店回應超不負責任
廣告
情人節大家準備好送禮物給男/女朋友嗎？最近有網民在IG Shop訂花，打算向女朋友求婚，結果花店的職員沒有按約定時間送花，事主在無花的情況下照求婚，女朋友即問：「點解無花嘅？」，事主十分生氣，更提醒一眾網民不要光顧這間黑店。
港男於IG Shop訂花準備求婚
最近有網民在連登討論區發文，他指早前在IG Shop訂花，打算向女朋友求婚，原本約好下午1-2點送貨，結果花店的職員沒有按約定時間送花，事主在無花的情況下照求婚，女朋友即問：「點解無花嘅？」。
足足遲3個鐘先收到花
事主十分生氣，用WhatsApp問花店甚麼時間送到，花店回覆指「同事已經去緊地點，一陣到咗會通知你」，結果近5點才將花送到事主的酒店，足足比約定時間遲了3小時，「我幫襯呢間咁嘅花舖諗住買花求婚，我已經一早畀曬錢，早超過一個星期confirm時間地點，點知佢地好似完全無咗件事咁，原先應該當日13:00-14:00送到酒店，然後由職員送上房，等一入房求婚嗰時就見到，最後係差唔多五點，婚都求完扎花先送到，間舖頭淨係識唔好意思喺度hea我，又無解釋又無賠償，之後WhatsApp佢完全唔應機，喂大佬，人哋求婚咁大件事跟足小小好唔好，衰咗仲要唔認真處理，收晒錢就笠水」，他更提醒一眾網民不要光顧這間黑店。
樓主自己都有責任
有網民覺得樓主自己都有責任，求婚大事就自己跟足，以及選朝早時段收花，「喂大佬，自己求婚咁大件事跟足小小好唔好，衰咗仲要賴地硬，揀朝早時段啦應該一早」、「去IG Shop買嘢抵X死」。
網民批評IG Shop無誠信
不過亦有網民批評IG Shop，約定好時間就要準時交貨，「實牙實齒應承咗人哋幾點送貨都冇送到，仲唔係間shop嘅問題！送唔到，就唔好應承人啦」、「有時禮貌上唔想催人/提醒佢，原來佢又真係可以唔記得，錢又識收，講真樓主已經好好禮貌，我明白一時唔記得都人之常情，但唔係道歉都冇句」。
圖片來源：連登截圖、《愛．回家之開心速遞》劇照、楊冪工作室微博圖片
