觀塘裕民坊YM² 店舖疑倒閉潮？網民狠批4大死因：成個迷宮咁＋呢樣最地獄

觀塘裕民坊YM² 店舖倒閉潮？
網民狠批4大死因：成個迷宮咁＋呢樣最地獄

第1點：感覺商場只為遷就新式巴士總站

觀塘裕民坊YM²地面一層及1樓設有雙層設計的裕民坊交通運輸交匯處，設有香港首個智能室內冷氣巴士站，因此有網民直言場內的設計都只為遷就巴士總站，也導致有人認為商場內只得巴士站，並不會進去逛街。，表示「行入個場嘅人，一係住樓上，一係入去搭巴士，一係就坐低涼冷氣，根本全部入去既人都係路過」，況且即使入去搭巴士，也要「行半個圈先去到想坐果部車」，非常不便。

第2點：多掘頭路似迷宮

網民批評裕民坊商場從外看似很大，進入商場後卻感到很小，而且是「豆腐膶咁細」，但間隔卻是「鬼唔馬六」，大彈商場「又亂又多掘頭路，有啲鋪根本永遠都唔會見到」、「有啲舖根本係死角位黎，除非特別去搵，唔係呢世都唔會路過」、「完全唔識行，有啲鋪個門口對住外面， 有啲位又要行出去花園先去到」、「試過喺入面盪失路唔識行，自此唔想再入去」，更分享曾在商場內尋找牛角，卻找了15分鐘才找到，體驗非常之差。

第3點：升降機設計最地獄

每個商場都有升降機，但是網民就怒批裕民坊內的升降機設計十分地獄，而且升降機的數量又十分多，重點是非常混亂，稱「搭佢電梯同lift你永遠唔會知會喺邊度出返黎，入去似入咗去火箭兵團秘密基地咁，喪屍爆發果時肯定好安全」、「啲lift仲痴線，架架都淨係去到一忽，唔講以為有100層高要轉lift，都唔知咩design」

第4點：食肆開露天

商場少不了餐廳，而餐廳的多寡優劣，往往也決定了有多少新客人會慕名而來，不過網民就對於商場餐廳佈局感到非常不解，表示「D重味食肆係曬平台，要D食客露天排隊，D味又吹曬出嚟，樓上D住戶遲早嗅覺麻痹」，直言行裕民坊不如「行apm好過」，狂插設計仲差過屋村商場。