觀塘月華街460呎洋樓月租$18,300！網民斥太貴：60年樓齡仲貴過新樓？｜網絡熱話
廣告
百物騰貴，連租樓都不例外，最近有業主在網上放租觀塘60年樓齡的洋樓，雖然全屋翻新完成，更達460呎，但卻開價$18,300，令網民不禁嘩然「新樓有埋會所，都係租$18,300！」
60年樓齡 觀塘460呎洋樓月租$18,300！
今次有業主在Facebook 「自己物業自己放，租買免佣」放租觀塘月華街洋樓單邊單位，單位3房2廳1廚1廁，實用460呎。業主指全屋已經翻新，窗口安裝了蚊網，可供小孩或寵物入住，非常安全，同時租金包3部冷氣機、1部冷暖氣機 、洗衣機及雪櫃。至於交通方面，業主聲稱有電梯直達地鐵站及APM商場，交通便利。
而在圖片中，可以見到單位內用色溫暖，整體格局都較為舊式，不過空間都算大，亦相當實用。中間有條走廊，可達廁所與房間。當中最為特別是客廳窗口位置，有一個細細的落地玻璃，景觀不錯。而廚房非常實用。相對如今的私樓格局，單位整體都非常不錯。
月租1萬8貴過新樓！網民：個價堅離地
不過，網民對此卻表示「太貴」！網民直指不少新樓，例如觀塘市中心的新樓，荃灣的萬景峰、北角健威花園等等，樓齡較新，有會所及少量海景，同一呎數，月租都是介乎$16,000至$18,000，反觀業主的洋樓，樓齡舊又不算多設備，卻要求$18,300，似乎高於市價。而有網民更認為樓齡高，單位的天花都見到鋼筋生銹，似乎有長期隱憂，質疑安全問題。
資料來源：FB@自己物業自己放，租買免佣
圖片來源：FB@自己物業自己放，租買免佣
