好心港女為視障男士帶路突被要求殘廁「幫下手」！醒目港女最後咁應對

May 1 2023

有港女分享自己於青衣城商場行街時的奇怪經歷，她表示逛街途中被一名視障男士問路，於是好心帶路，誰料他突然要求事主入殘廁「幫手」，事主深感奇怪便堅決拒絕，事後覺得極為可疑，因此上網與一眾網民分享，同時提醒各位幫人同時都要小心為上，安全最緊要！

好心港女為視障男帶路突被要求殘廁「幫下手」

樂於助人是好事，但大家幫人同時記得時刻保持警覺！有港女於Facebook表示自己於青衣城2期逛街時遇到一位年約30多歲的視障男士求助，他起初叫事主帶他到譚仔分店，但走不過兩步就要求轉去廁所：「我要去殘廁」，事主毫不懷疑便答應下來：「無問題」。接著使帶他到2樓的殘廁並幫他開門，站在廁所門外等候，事主約等了大約1分鐘，期間聽到他開水龍頭的聲音，後來男子突然開門向事主說：「呢度無分男女，不如妳入嚟幫下我手」，事主感到奇怪便禮貌地即場拒絕：「有需要我搵男士幫你」，男子聽聞即回應：「咁唔洗喇」，然後洗手後便再叫事主陪同他去譚仔。

期間事主問男子是否住青衣，他表示自己住大埔，「今日嚟青衣跑步，唔熟青衣啲路」。到了譚仔門口，事主便向男子指出餐廳有大量街坊在排隊，對方表現得無所謂：「唔緊要，我呢啲有優先嫁」，於是便見他熟路地走到譚仔收銀機附近大叫：「1位唔該」，隨即便瀟灑離開。但事主就極為不滿，她投訴對方欠缺禮貌，一句感謝說話都沒有，「唔該哂，byebye都無同我講，我唯有就講咗聲，我走喇，你小心啲喇」。

事主後來回想起事件感到相當可疑，「雖然幫得佢，都信佢係視障，唔應該諗咁多嘢，但佢要求一個女仔入殘廁幫佢手既過程，事後我真係覺得好可疑」，因此決定於網上提醒各位女士要小心，「女士注意，幫人都真係小心啲，因為我事後覺得怪怪地」。

網民大讚事主醒目

網民倒一致同意該名男人超有可疑，同時大讚事主聰明兼反應快才沒有被騙，「你好醒啊，有時真係會同情心蓋過危險意識」、「好有可疑呀！去廁所都要人幫手？好彩樓主醒目咋！現在真的好多壞人㗎」、「睇唔到嘢！！！跑步？？？？？？？真心膠！！！都跑到步喇！點會唔識去譚仔」。有街坊表示並非第一次有這種情況：「咦。。呢個人確實有問題。。我見過佢經常專係搵女士、小妹妹由地鐵帶佢入商場。。最奇怪係有位女士帶完佢放低之後，佢又走去搵另一個女士帶佢」。