西隧收費員疑串謀詐騙 收$100當$50？搬弄CCTV真相令車主記錯｜玩樂熱話

西隧收費員疑串謀詐騙　收$100當$50？搬弄CCTV真相令車主記錯

有電單車騎手上載「頭盔Cam」的影片，指早前駕駛電單車經西區海底隧道過海，被收銀員「屈咗50蚊」，片中可見，事主從褲袋取出$100元鈔票以支付$25元的隧道費，然而收費員只找回$25元，事主立即向職員查問「俾咗一百喎」，但對方堅稱事主只付了$50元，並隨即召喚辦公室同事翻睇CCTV核實。

3大跡象擺明心有屎！

等候期間，職員扮作忙碌不停「抹吓枱抹吓窗」，又不停托眼鏡、撥頭髮，大約2分鐘後，收費員向同事核實後，堅稱事主只付了50元，稱「唔好意思呀，你真係畀咗$50喎，唔好意思呀」。事主非常無奈，加上當時後方多車輪候，期間更有車響鞍示意催促，事主感到無奈，半信半疑下先行離開，惟他翻看頭盔攝錄片段，證實是有人「刻意找錯錢」，不少網民為事主抱打不平。

有部分人留言指職員疑有心欺詐，「阿姐嘅行為動作、明顯係身有屎、好緊張，絕對唔係第一次」、「個職員絕對唔係唔小心找錯錢，仲聲稱影到係50，係有心欺詐」、「只要每一個鐘『唔小心』收錯一兩次錢，一日當你番8個鐘，計埋份糧都幾和味」、「片主有晒片做証，一定要幫自己討回公道，並目為民除害。唔係數額大細問題，這是有心欺詐，應報警處理。」