西貢灣仔南營地逼爆 污水系統不勝負荷、佈滿垃圾！行山友：完全無公德心！

西貢灣仔南營地又臭又多垃圾 污水系統不勝負荷

本來西貢灣仔南營地有洗手間又有供水設施，因此每逢周末此都會吸引不少露營人士前去，不過節目《一線搜查》中發現有好多露營人士都沒有公德心，每當人潮散去時，都見到垃圾桶逼爆，容易引起衛生問題。

另外，現時灣仔南、灣仔西營地廁所亦封閉，在營地只設立流動廁所供市民使用，雖然有指會派人定期清潔，但現場觀察15個流動廁所，離遠已嗅到臭味。西貢灣仔南營地的污水系統損壞，暫時未知幾時可以完成修復，管理人員希望市民使用營地時要有公德心。

除了廁所封閉，灣仔南營地還有多個水槽位，供露營人士取水和清洗用品，但如今大部份時間都會停止供水，或只提供有限度供水。在水槽內亦堆積了不少廚餘，有露營人士表示：「洗手盤上面有好多廚餘，有麵條、芝士、菜等，有人仲要倒啲殘渣落去，間中更有蟑螂出沒，好恐怖。」

海下管理站區長表示，污水系統約一個月前淤塞，當時即時關閉，擔心有污水倒流破壞環境。現時除了廁所關閉維修，也限制供水，「因為太多人露營啦，設施使用率高咗，如果你亂咁倒嘢落去的話，唔應該喺裏面嘅嘢都掉咗落去，塞咗大家都冇得用。所以依家有限度供水，就係想平衡返。」