西貢的士拒載片竟獲拍手激讚　男子提一要求司機聽罷即踩油走：傻㗎？

男子截的士稱「$130西貢出大圍」　司機即踩油走人：我寧願空車

一名的士司機早前在Facebook群組「的士司機資訊網Taxi」上載一段車廂錄影片段，並留言指日前凌晨3時在西貢的士站對面的便利店，看到一名「生意失敗樣」的男子揮手截車，當時認為對方「行過對面馬路都懶」，但仍駛近該名男子，結果聽到他欲以$130去大圍，並稱「以前我係$120咋！」司機毫不猶豫關車門「畀油走」。

司機寧空車放工　不恥乘客亂講價

司機在帖文中坦言：「揸得的士我就預咗好多時都吉車走，喺呢啲地方你仲要同我講價？有交通工具隨處走嗰個係我，我唔會接少你呢張單就無飯開囉，你係咪傻咗？」又認為自己算厚道，「我發覺我都算厚道，起碼我無講：行路啦X街！」更在帖文上載另一張在快餐店買了宵夜「慢慢嘆」，準備收工，悠然自得。

樓主堅決態度獲行家大讚　強調按錶收費

帖文一出，隨即引來不少行家大表認同，「啱喇師兄、笑罵由人、灑脫哋做人 」、「做得好。個個咁堅持就好」；有網民問去大圍的車費按錶收費該多少，樓主回應，「我只係知百三蚊可能七折都無，我會行西沙」，樓主又強調「按錶收費，翠塘或者匡湖居都無問題，的士有收費機制，唔係街市買餸」。另外，有少數網民質疑樓主，「咁樣算唔算拒載?」、「呢個時候就按錶收費，打風又唔見你按錶」、「中環過海又唔見你按錶，次次都加價」。

資料來源：FB@的士司機資訊網Taxi