西環沙灣徑「打卡韆鞦」疑遭破壞！慘被鋸成兩半 無敵海景樹下韆鞦成絕響
廣告
西環沙灣徑「打卡韆鞦」疑遭嚴重破壞！西環沙灣徑係一條沿海小徑，沿路有好多無敵海景打卡位，其中一個就係沙灣鞦韆，但最近有人發現韆鞦被鋸爛，事引起網民紛紛討論成為熱話，即刻同大家了解下。
西環沙灣徑海景韆鞦疑遭破壞 被鋸開成兩半
西環沙灣徑景色怡人，仲有鞦韆畀大家吹吹海風打下卡，秋涼時期甚至要排隊打卡。但可惜近日有人發現，鞦韆疑遭到人為破壞，鞦韆板被鋸斷兩半。事件令人失落，但同時亦有網民表示鋸斷千秋板係件好事，並留言「鋸得好！」
有網友於2月8號郊遊時，發現沙灣鞦韆遭到嚴重破壞，立即影低並了解鞦韆木板嘅情況。發現鞦韆斷開並切面齊整，推測鞦韆係被人刻意鋸斷。隨後網友將相片上載到Facebook群組「香港攝影會」，引起網民熱烈討論。
討論區熱烈討論 網民：樹已脫苦海
帖文一出已立即引起網民瘋狂討論，有人嘆息亦有人支持。
至於呢位網民，仲講岀沙灣鞦韆嘅由來，不過真相就真係要問返原居民先知道實際情況。
其實若然沙灣鞦韆沒有遭受破壞，大家又會唔會想起「佢」呢？甚至主動關心鞦韆存在嘅問題呢？未去嘅朋友唔緊要，香港仲有好多打卡好去處，而去咗就要好好珍惜所影嘅相啦！
西環沙灣徑有咩打卡位？
無敵海景、沙灣徑石壆、沙灣泳棚等……
有適合單身人士的好去處嗎？
可以於市區或郊外賞花，即看：香港5大賞櫻秘景。
圖片來源：FB@David Fong、FB@香港風景攝影會截圖、IG@sssandy129、IG@yusuke_virus、IG@corgibbboo、IG@doudouqaq
