西客一句激嬲接線生：點解唔聽電話？服務業就預咗無飯食㗎啦！｜網絡熱話

西客：點解要食飯？ 一句激嬲接線生

一位在政府部門負責接聽市民電話的網民，，講述被「西客」剥奪吃飯權利的經歷。話說事主所屬的部門，每天下午1時至2時是午飯時間，會暫停接聽電話，有一天午飯時間，查詢電話無間斷響過不停，直至2點，夠鐘開工，事主甫接起電話，已遭電話中的女人惡言相向

接線生：呢度係咩咩部門，有咩可以幫到你？

西客（好惡）：係咪查詢電話？

接線生：係吖。

西客：咁點解頭先無人聽電話？

接線生：因為我哋辦工時間幾至幾，中間一點至兩點食飯時間。

西客：點解要食飯？服務業就預咗無飯食㗎啦！

接線生：因為食飯時間無人手聽電話。

西客：我唔理你地啦！你哋邊可以有食飯時間？

「你哋邊可以有食飯時間？」這句話，簡直就是可以入選「一句激怒人系列」，事主就話，明白好多人對香港政府好失望，不過公務員都是人，都是打工仔，都要吃飯的。

電話線路不穩 客服無奈捱罵

政府客服受氣被罵，又怎會是「個別事件」呢？有另一位曾經在政府熱線工作的網民，就投稿講述另一宗被「西客」狂罵的事件。有一天，事主接聽一位市民的電話，傾談間電話突然斷線，幾分鐘後，該市民回撥電話，事主一接聽，就不斷被狂罵「做咩cut佢線」！

事主解釋是線路問題，又給「西客」回罵為何部門的電話的網絡如此差劣，事主再解釋他們使用的是座枱電話，一般都有線路問題，然後，「西客」又拋出令人無言的一句：「你唔一早同我講！」

就在這一刻，事主不想再無止境反駁下去了，亦不想被「西客」投訴態度差，真的很無奈。

西客「收工大晒呀！」服務業就冇食飯放工權利？

很多網民都分享相似的經歷，原來在香港當客戶服務真的沒有食飯的權利！點解管理層無預人手頂食飯呢？有網民也指「任何人都覺得公司機構辦公時間係24小時」直斥打電話的西客一點同理心也沒有。

亦有人話「我都試過，以前份工輪更，個客要搵經理，我話經理收咗工，佢問我點解經理會收工，點解可以收工」看來香港人真係好鍾意返工，唔畀人收工！有網民也分享聽過最難聽的批評：「你哋做得服務業就預咗無飯食㗎啦！」痴線諗法！

有任職空中服務員的網民分享自己派餐後會站在廚房吃食，客人行過見到講句：「原來你哋都會食飯嘅！」，令他哭笑不得。

資料來源：FB@西客之道 Hispitality Secret